Awatokua 28:8 - Mbeti ti Nzapa - Tënë so amu fini

⁸ Babâ ti Publius ayeke na gbogbo; lo yeke na kobela ti wâ ti tere si lo yeke sasa na mene. Paul ague, abaa lo, lo zia maboko na ndö ti lo, lo sambela si kobela ti lo akai.

Awatokua 28:8 ပူးပေါင်းရင်းမြစ်များ

Matthieu 10:1

Na pekoni, Jésus airi adisiple ti lo baleoko na use si lo mu na ala ngangu ti tumba asioni yingo, ti kai kobela na tere ti azo, ti sara nga si azo so mbage ti tere ti ala abuba, akiri aga nzoni.

Matthieu 10:8

Ala kai kobela na tere ti azo, ala zingo akuâ, ala sara si tere ti azo ti buruma aga nzoni, ala tumba asioni yingo. Nzapa amu ye na ala senge senge, ala mu nga ye na azo senge senge.

Matthieu 12:13

Na pekoni, Jésus atene na koli so: “Yoro ya ti maboko ti mo.” Lo yoro ni si maboko ti lo aga nzoni tongana ti mbage ni.

Matthieu 9:18

So Jésus angba ti tene tënë so na ala, mbeni makonzi ti azuife aga nduru na tere ti lo; lo kuku na gbe ti Jésus si lo tene na lo: “Molenge ti mbi ti wali akui gi fafadeso. Mo ga, mo zia maboko ti mo na ndö ti lo si fade lo kiri na fini.”

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Marc 5:23

si lo voro Jésus mingi ti mu na lo maboko; lo tene: “Molenge ti mbi ti wali aga nduru ti kui. Mo ga, mo zia maboko ti mo na ndö ti lo titene lo soo kuâ si lo ngba na fini!”

Marc 6:5

Jésus alingbi ti sara mbeni ye ti kpene oko na ndo so pepe. Me lo zia gi maboko ti lo na ndö ti ambeni zo ti kobela si kobela ti ala akai.

Marc 7:32

Ambeni zo amu mbeni koli, aga na lo na Jésus; mê ti lo akanga si lo yeke tene tënë nzoni pepe. Ala hunda na lo titene lo zia maboko ti lo na ndö ti koli ni.

Nzoni Tënë so Luc asu na mbeti 13:13

Lo zia maboko ti lo na li ti lo. Gi hio tongaso, wali ni aluti mbirimbiri si lo yeke gonda Nzapa.

Nzoni Tënë so Luc asu na mbeti 4:40

Na lakui ni, azo so kue ayeke na azo ti kobela nde nde na da ti ala amu ala, aga na ala na Jésus. Lo zia maboko ti lo na ndö ti ala si kobela ti ala akai.

Awatokua 28:7

Mbeni kota yaka ayeke nduru na ndo so e yeke daa, yaka ni ayeke ti Publius, makonzi ti zoa ni. Lo yamba e nzoni si e sara lango ota na ndo ti lo.

Awatokua 28:9

Na pekoni, ambeni zo ti kobela so ayeke lango na ya ti zoa ni aga abaa lo si lo kai nga kobela na tere ti ala.

Awatokua 9:40

Pierre ahunda na azo ni kue ti sigigi; lo kuku na sese, lo sambela. Na pekoni, lo baa ndo na mbage ti kuâ ni si lo tene: “Tabita, londo!” Wali ni azi le ti lo si na bango Pierre, lo londo, lo duti na nduzu.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 12:9

gi oko Yingo so ayeke mu na mbeni zo matabisi ti mabe; gi oko Yingo so ayeke mu na mbeni zo matabisi ti kaingo kobela;