Awatokua 28:7 - Mbeti ti Nzapa - Tënë so amu fini

⁷ Mbeni kota yaka ayeke nduru na ndo so e yeke daa, yaka ni ayeke ti Publius, makonzi ti zoa ni. Lo yamba e nzoni si e sara lango ota na ndo ti lo.

Awatokua 28:7 ပူးပေါင်းရင်းမြစ်များ

Awatokua 13:7

Lo yeke mbeni zo ti tere ti Serzius Polus, govoronere so ayeke mbeni zo ti ndara. Govoronere ni atisa Barnabas na Saul, ngbanga ti so lo ye ti ma tënë ti Nzapa.

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,

Awatokua 23:24

Ala leke nga ambeni mbarata titene ayo Paul ague na lo na nzoni tere na govoronere Félix.

Awatokua 28:2

Azo ti zoa ni ayamba e nzoni mingi. Ala sara mbeni kota wâ si ala iri e kue na tere ni, ngbanga ti so ngu ato nda ti pikango ni si de ayeke sara.

Awatokua 28:6

Azo ni abaa ti ala atene, tere ti lo ayeke suku wala lo yeke ti ti kui. So ala ku gbaa si ala baa mbeni sioni ye asi na lo pepe, tënë ti yanga ti ala akiri aga nde si ala tene: “Lo yeke mbeni nzapa!”

Awatokua 28:8

Babâ ti Publius ayeke na gbogbo; lo yeke na kobela ti wâ ti tere si lo yeke sasa na mene. Paul ague, abaa lo, lo zia maboko na ndö ti lo, lo sambela si kobela ti lo akai.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.