Awatokua 28:30 - Mbeti ti Nzapa - Tënë so amu fini

³⁰ Paul asara ngu use na ya ti da so lo yeke futa na nginza ti lo wani. Lo yeke wara azo so kue ayeke ga ti baa lo.

Awatokua 28:30 ပူးပေါင်းရင်းမြစ်များ

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Jérémie 38:13

Akoli ni agboto Jérémie na kamba ni si ala sigigi na lo na ya ti du ni. Na pekoni Jérémie angba na ya ti gbagba ti aturugu ti batango gbia.

Jean 1:39

Jésus akiri tënë na ala, atene: “Ala ga abaa!” Tongaso ala gue si ala baa ndo so Jésus ayeke lango daa. Ala ngba na tere ti lo na lango ni so. Andaa ngbonga aga nduru na ngbonga osio ti peko ti bekombite.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 24:27

Na peko ti ngu use, Porsius Festus amu mbata ti govoronere na peko ti Félix. So Félix aye ti ga nzoni na le ti azuife, lo zia Paul angba na da ti kanga.

Awatokua 28:16

So e si na Rome, a mu lege na Paul ti lango na ya ti mbeni senge da nde; a zia mbeni turugu oko na tere ti lo ti bata lo.

Awatokua 28:29

Na peko ti tënë so Paul atene, azuife apapa ngangu na popo ti ala si ala gue.]

Awatokua 28:31

Lo yeke fa tënë ti Kodro-gbia ti Nzapa si lo yeke fa tënë ti *Kota Gbia Jésus Christ na mbeto pepe, mbeni zo akanga lege na lo pepe.

Rome 15:32

Tongaso, tongana Nzapa ayeda, fade mbi lingbi ti si na ala kâ na ngia si mbi duti na popo ti ala ti wu tere ti mbi kete.

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

2 Korente 6:5

azo apika e, ala bi e na da ti kanga, ala tomboka na tere ti e, e woko na peko ti sarango kua, e lango pepe, e duti na nzara.

Filipe 1:13

Aturugu ti yangbo ti gbia kue, na azo so kue ayeke ge so ahinga atene, a kanga mbi ndali ti Christ.

2 Timothée 1:17

me gi so lo si na Rome, lo gi lege ti mbi ngangu ngbii si lo wara mbi.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.