Awatokua 28:3 - Mbeti ti Nzapa - Tënë so amu fini

³ Paul aro gba ti aholengo keke ti tuku na le ti wâ ni, me mbeni sioni ngbo asigigi na ya ni, ngbanga ti so wâ azö lo; lo te maboko ti Paul si lo ngba na tere ni.

Awatokua 28:3 ပူးပေါင်းရင်းမြစ်များ

Mbeti ti Job 20:16

Ye so lani lo su so, andaa sioni ngu ti yanga ti ngbo laa; fade sioni ngu ni ayeke fâ lo.

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Ésaïe 41:24

Me ala yeke ye oko pepe, ye so kue ala yeke sara ayeke taa senge senge. Zo so asoro ala tongana anzapa, lo yeke fungo zo tongana anzapa ni.

Ésaïe 59:5

Sarango ye ti ala ayeke sioni tongana para ti sioni ngbo: tongana zo ate para ni, lo yeke kui; tongana a fâ ya ni, sioni ngbo laa ayeke sigigi daa. Akamba so ala yeke leke akpa akamba so mbeni tere aleke ti sara na gbanda ti lo; zo alingbi ti sara ni na bongo pepe, wala ti yu ni pepe. Akamba ni ayeke ga gi na kpale. Kua ti ala ayeke ti sara ngangu na zo.

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Awatokua 28:2

Azo ti zoa ni ayamba e nzoni mingi. Ala sara mbeni kota wâ si ala iri e kue na tere ni, ngbanga ti so ngu ato nda ti pikango ni si de ayeke sara.

Awatokua 28:4

So azo ti zoa ni abaa ngbo ni na tere ti maboko ti Paul, ala tene na popo ti ala: “Koli so ayeke mbeni zo ti fango zo biani. Ataa so lo soo kuâ na le ti ngu, nzapa ti mbirimbiri aye titene lo ngba na fini pepe.”

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

2 Korente 6:9

azo abaa e tongana azo so ala hinga ala pepe, andaa ala hinga e kue; azo abaa e tongana azo so ayeke kui kuingo, andaa e ngba na fini; ala pika e, me ala fâ e pepe.