Awatokua 28:23 - Mbeti ti Nzapa - Tënë so amu fini

²³ Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Awatokua 28:23 ပူးပေါင်းရင်းမြစ်များ

Marc 4:34

Lo fa tënë na azo na lege ti toli, me tongana lo yeke gi lo oko na adisiple ti lo, lo fa nda ti tënë ni kue na ala.

Nzoni Tënë so Luc asu na mbeti 16:28

ngbanga ti so a-ita ti mbi oku ayeke kâ. Ayeke nzoni lo tene tënë na ala si ala nga aga na ya ti pasi so ge pepe.’

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Awatokua 1:3

Na peko ti kuâ ti lo, lo fa tere ti lo na ala na alege nde nde si lo fa na ala biani so lo yeke na fini. Na ya ti lango baleosio, lo si na ala si lo fa na ala tënë na ndö ti *Kodro-gbia ti Nzapa.

Awatokua 18:28

Lo tene tënë nzoni mingi na le ti azo kue, asara si tënë ahunzi na yanga ti azuife. Na lege ti tënë ti Nzapa, lo fa na azo so Jésus ayeke *Mesii biani.

Awatokua 18:4

Lakue na *lango ti wungo tere, lo yeke mu tënë na ya ti da ti sambelango Nzapa si lo yeke gi lege ngangu titene azuife na agreke ayeda na tënë ti lo.

Awatokua 19:8

Paul ayeke gue lakue na ya ti da ti sambelango Nzapa si lo yeke fa tënë ti Nzapa na mbeto pepe. Na ya ti nze ota, lo yeke gi lege ngangu ti sara titene azo ayeda na tënë ti kodro-gbia ti Nzapa.

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 24:14

Me ye so mbi hinga na dawa ti mo ayeke so: mbi yeke voro Nzapa ti akotara ti e, mbi yeke sara ni alingbi na lege so Jésus afa na e; me azo ni atene, so ayeke sioni lege. Mbi yeda nga na atënë so kue a su na ya ti *Ndia ti Moïse na ambeti ti awayanga-Nzapa.

Awatokua 26:6

Fadeso, mbi yeke na gbe ti azo ti fango ngbanga ndali ti so mbi zia be ti mbi ti ku ye so Nzapa amu zendo ni na akotara ti e.

Awatokua 28:31

Lo yeke fa tënë ti Kodro-gbia ti Nzapa si lo yeke fa tënë ti *Kota Gbia Jésus Christ na mbeto pepe, mbeni zo akanga lege na lo pepe.

Awatokua 8:35

Philippe amu tënë; na ndö ti kamba ti mbeti ti Ésaïe so, lo to nda ti fa Nzoni Tënë ti Jésus na lo.

Philémon 1:2

E tokua nga mbeti so na ita ti e ti wali Apia, lo na Arshipe, mba ti e so abongbi na e ti tiri bira; e tokua nga mbeti so na azo ti *Eglize so ayeke bongbi na da ti mo.

Philémon 1:22

Mo leke nga mbeni ndo ti lango ndali ti mbi, ngbanga ti so mbi zia be ti mbi ti ku so fade Nzapa ayeke ma sambela ti ala si lo yeke zi lege titene mbi kiri na popo ti ala.