Awatokua 28:2 - Mbeti ti Nzapa - Tënë so amu fini

² Azo ti zoa ni ayamba e nzoni mingi. Ala sara mbeni kota wâ si ala iri e kue na tere ni, ngbanga ti so ngu ato nda ti pikango ni si de ayeke sara.

Awatokua 28:2 ပူးပေါင်းရင်းမြစ်များ

Esdras 10:9

Tongaso, na peko ti lango ota, so ti tene na lango baleuse ti nze gumbaya ni, akoli kue ti sese ti Juda na ti Benjamin abongbi na Jérusalem. Azo ni aduti na kota le ti kodro ti ya ti gbagba ti kota da ti Nzapa, tere ti ala ayeke do ndali ti tënë so nga ndali ti ngu-Nzapa so ayeke pika.

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Awayango-sandaga 19:34

Me fade ala yeke sara na lo tongana taa zo ti kodro ti ala: alingbi ala ye lo tongana ti so ala ye tere ti ala wani. Biani, ala wani, ala yeke ando awande na kodro ti Ezipte. Mbi laa mbi yeke KOTA GBIA, Nzapa ti ala.

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Jean 18:18

Andaa de ayeke sara, nilaa azo ti kua na aturugu asara wâ si ala yeke duti na tere ni ti tumba de na tere ti ala. Pierre nga ague, aluti na popo ti ala titene tere ti lo amu wâ.

Awatokua 27:3

Lango oko na pekoni, e si na Sidon. Yulius so ayeke sara nzoni be na Paul, azia lo ti gue ti baa azo so lo na ala aye tere titene ala mu na lo ambeni ye so atia lo.

Awatokua 28:3

Paul aro gba ti aholengo keke ti tuku na le ti wâ ni, me mbeni sioni ngbo asigigi na ya ni, ngbanga ti so wâ azö lo; lo te maboko ti Paul si lo ngba na tere ni.

Awatokua 28:4

So azo ti zoa ni abaa ngbo ni na tere ti maboko ti Paul, ala tene na popo ti ala: “Koli so ayeke mbeni zo ti fango zo biani. Ataa so lo soo kuâ na le ti ngu, nzapa ti mbirimbiri aye titene lo ngba na fini pepe.”

Rome 1:14

Alingbi mbi mu tere ti mbi ti sara na azo kue: azo so le ti ala azi, abasanzi, azo so amanda ye mingi na ala so amanda ye pepe.

Rome 14:1

Zo so ama na be si ade ti kpengba pepe, ala yamba lo, ala kasa atënë ti be ti lo pepe.

Rome 14:3

Zo so ayeke te ye kue, alingbi lo baa tongana zo ti buba pepe zo so ayeke te gi ambeni ye; na mbage, zo so ayeke te ye kue, alingbi zo so ayeke te gi ambeni ye akasa lo pepe. Biani, Nzapa ayamba nga zo so ayeke te ye kue tongana zo ti lo.

Rome 2:27

Zo ti mbeni mara nde so afâ ganza pepe si lo yeke sara ye alingbi na Ndia, fade lo yeke fâ ngbanga na li ti mo so mo yeke zuife ndali ti so mo fâ ganza awe, me mo yeke sara ye alingbi na Ndia pepe so.

1 Korente 14:11

Me tongana mbi ma yanga ti kodro ti mbeni zo pepe, zo ni ayeke baa mbi tongana wande si mbi nga, mbi yeke baa lo tongana wande.

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.