Awatokua 27:31 - Mbeti ti Nzapa - Tënë so amu fini

³¹ Me Paul atene na kapita ti aturugu nga na aturugu, atene: “Tongana azo so angba na ya ti mangboko ni pepe, fade ala, aturugu, ala lingbi ti soo kuâ pepe.”

Awatokua 27:31 ပူးပေါင်းရင်းမြစ်များ

1 Agbia 1:12

Fadeso, mbi ye ti mu na mo wango titene mo soo fini ti mo nga na fini ti molenge ti mo Salomon.

Jean 6:37

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Awatokua 27:11

Me kapita ti aturugu aye gi ti ma tënë ti kapita ti mangboko ni na ti wa ti mangboko ni ahon wango ti Paul.

Awatokua 27:30

Me azo ti kpengo na mangboko ni ayeke gi lege ti kpe ti zia mangboko ni. Ala bi kete ngo ni na le ti ngu si ala handa azo atene, ala yeke gue ti bi ambeni nengo wen na ya ti ngu na mbage ti li ti mangboko ni.

Awatokua 27:32

Aturugu ni afâ akamba so agbu kete ngo ni si ala zia titene asua ahon.

Awatokua 27:44

Na pekoni, tanga ti azo ni amu peko ti ala, ambeni na ndö ti *amabaya, ambeni na ndö ti anduru mbage ti mangboko so afâ so. Na lege so laa e kue, e si na sese na nzoni tere.