Awatokua 27:24 - Mbeti ti Nzapa - Tënë so amu fini

²⁴ si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

Awatokua 27:24 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Tongo nda ti aye 19:29

Me na ndembe so Nzapa abuba agbata so ayeke na lando ni kâ so, lo dabe ti lo na Abraham. Lo zi Lot na ya ti ye ti sioni na ndembe so agbata ni aga kirikiri.

Tongo nda ti aye 30:27

Laban akiri tënë na lo, atene: “Mbi gbu gere ti mo, mo baa mbi na nzoni le. Zeke ti mbi afa na mbi so KOTA GBIA asara tufa na ndö ti mbi ndali ti mo.

Tongo nda ti aye 39:23

Aye so kue makonzi ti da ti kanga ni azia na maboko ti Joseph, makonzi ni ayeke kiri ti baa peko ni pepe, ngbanga ti so KOTA GBIA ayeke na Joseph. Aye so kue lo yeke sara, KOTA GBIA asara titene aga nzoni.

Tongo nda ti aye 39:5

Ti londo na ndembe so Potifar azia lo na ndö ti azo ti da ti lo na aye ti lo kue, KOTA GBIA asara tufa na ndö ti azo ti da ti lo na aye ti da ti lo ndali ti Joseph. Tufa ti KOTA GBIA aga na ndö ti aye ti da ti zo ti Ezipte nga na ndö ti ayaka ti lo.

Tongo nda ti aye 46:3

Nzapa atene: “Mbi yeke Nzapa, Nzapa ti babâ ti mo. Sara mbeto ti gue na Ezipte pepe. Kâ, mbi yeke sara titene mbeni kota mara abaa gigi na lege ti mo.

1 Agbia 17:13

Élie atene na lo: “Sara mbeto pepe! Gue, mo sara ye ni tongana ti so mo tene. Gi ye oko, ye so mo yeke na ni, mo leke mbeni kete makara, mo ga na ni na mbi kozoni si. Na pekoni, mo leke ti mo na ti molenge ti mo ti koli.

2 Agbia 6:16

Élisée akiri tënë: “Sara mbeto pepe! Ala so ayeke na e ayeke mingi ahon ala so ayeke na ala.”

Mbeti ti Job 35:8

Ataa mo sara sioni-oo, ataa mo sara nzoni-oo, sioni ni na nzoni ni kue mo sara ni gi na amba ti mo zo.

Abia ti demango tere 3:57

Na lango so mbi dekongo na mo, mo ga nduru na mbi si mo tene: “Sara mbeto pepe!”

Daniel 2:24

Na pekoni, Daniel alondo ague na ndo ti Ariok, lo so gbia amu yanga na lo titene lo fâ azo ti nganga ti Babilone so. So Daniel asi awe, lo tene na Ariok, lo tene: “Mo fâ azo ti nganga so ayeke na Babilone pepe! Mo gue na mbi na gbe ti gbia, fade mbi yeke fa na lo nda ti bango-li ti lo ni.”

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Jean 11:9

Jésus atene na ala: “Ti londo na ndaperere ngbii asi na lakui, lâ ayeke su na ya ti ngbonga baleoko na use pepe? Zo so ayeke tambula na kota lâ, lo yeke pika gere ti lo pepe, ngbanga ti so lo yeke baa ndo polele.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 25:11

Tongana mbi sara mbeni ye so ake ndia si mbi sara mbeni ye so alingbi titene a fâ mbi ndali ni, mbi yeke kpe kuâ ni pepe. Me tongana taa-tënë oko ayeke na ya ti atënë so ala bi na li ti mbi so pepe, zo oko alingbi ti zia mbi na maboko ti ala pepe. Mbi ye ti gue na ngbanga ni na gbe ti kota gbia ti Rome!”

Awatokua 27:31

Me Paul atene na kapita ti aturugu nga na aturugu, atene: “Tongana azo so angba na ya ti mangboko ni pepe, fade ala, aturugu, ala lingbi ti soo kuâ pepe.”

Awatokua 27:37

Li ti e kue na ya ti mangboko ni ayeke ngbangbo use na balembarambara na omene.

Awatokua 27:42

Aturugu aye ti fâ azo ti kanga ni kue si mbeni oko afâ ngu akpe pepe.

Awatokua 27:44

Na pekoni, tanga ti azo ni amu peko ti ala, ambeni na ndö ti *amabaya, ambeni na ndö ti anduru mbage ti mangboko so afâ so. Na lege so laa e kue, e si na sese na nzoni tere.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Philémon 1:22

Mo leke nga mbeni ndo ti lango ndali ti mbi, ngbanga ti so mbi zia be ti mbi ti ku so fade Nzapa ayeke ma sambela ti ala si lo yeke zi lege titene mbi kiri na popo ti ala.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,