Awatokua 27:22 - Mbeti ti Nzapa - Tënë so amu fini

²² Me fadeso, mbi voro ala: ala sara mbeto pepe! Biani, zo oko na popo ti ala ayeke kui pepe, gi mangboko ni laa ayeke buba.

Awatokua 27:22 ပူးပေါင်းရင်းမြစ်များ

Esdras 10:2

Tongaso Shekania, molenge ti Yehiel, mbeni zo ti kete mara ti Elam atene na Esdras: “E sara ye so ayeke sioni mingi na Nzapa ti e na lege so, na popo ti azo ti kodro ni, e mu awali so ayeke awande ti ga awali ti e. Me fadeso, mbeni ye so azo ti Israel alingbi ti zia be ti ala ti ku ayeke daa:

Mbeti ti Job 2:4

Me Satan akiri tënë na KOTA GBIA: “Ayeke na legeni. Zo kue ayeke mu ye ti kiri ti wara ye na pekoni. Ye so kue zo ayeke na ni, lo yeke mu ni ti soo na fini ti lo.

Abia (Psaumes) 112:7

Tongana lo ma sango ti asioni ye, lo yeke sara mbeto pepe; be ti lo aduti kpoo, lo zia be ti lo na ndö ti KOTA GBIA.

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 27:25

Tongaso, a-ita, ala gbu ngangu! Biani, mbi zia be ti mbi na Nzapa: ye ni ayeke si ande gi tongana ti so lo tene na mbi.

Awatokua 27:31

Me Paul atene na kapita ti aturugu nga na aturugu, atene: “Tongana azo so angba na ya ti mangboko ni pepe, fade ala, aturugu, ala lingbi ti soo kuâ pepe.”

Awatokua 27:34

Tongaso mbi hunda na ala ti te kobe; ala te ni si ala soo kuâ. Fade kua ti li oko ti mbeni zo na popo ti ala ayeke ti pepe.”

Awatokua 27:36

Be ti ala kue akiri awara ngangu si ala te nga ye.

Awatokua 27:44

Na pekoni, tanga ti azo ni amu peko ti ala, ambeni na ndö ti *amabaya, ambeni na ndö ti anduru mbage ti mangboko so afâ so. Na lege so laa e kue, e si na sese na nzoni tere.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.