Awatokua 27:17 - Mbeti ti Nzapa - Tënë so amu fini

¹⁷ Azo ti kpengo na mangboko ni amu kete ngo ni azia na ya ti mangboko ni. Na pekoni, ala mu mbeni kota kamba si ala kanga na tere ti mangboko ni kue. Ala sara mbeto titene mangboko ni ague, aluti na ndö ti mbutu ti yanga ti ngu ti kodro ti Libii. Nilaa ala mu kota nengo keke so a kanga na tere ti mangboko ni, ala bi na ya ti ngu titene mangboko ni ague mbage na mbage pepe; me pupu angba ti mu mangboko ni si ayeke hon na ni.

Awatokua 27:17 ပူးပေါင်းရင်းမြစ်များ

Awatokua 27:16

E hon na mbage ti Mbongo ti mbeni kete zoa so a iri ni Koda. E sara ngangu mingi si e wara lege ti mu kete ngo so a kanga na tere ti mangboko ni; angba kete ka e ha gbaa.

Awatokua 27:26

Fade mangboko ni ayeke gue ti bi e na ndö ti mbeni zoa.”

Awatokua 27:29

Mbeto titene mangboko ni ague, akpo mbeni têne asara ala. Ndani laa ala bi anengo wen osio na ya ti ngu na mbage ti peko ti mangboko ni titene aluti. Ti be ti ala, ala ye titene ndo ahan hio.

Awatokua 27:40

Ala zi anengo wen ti mangboko ni, ala zia na ya ti ngu; ala zi nga akamba ti *akâî ti mangboko ni. Na pekoni, ala kanga kota bongo na nduzu na dawa ti mangboko ni titene pupu amu mangboko ni ahon na ni na mbage ti mbutu ni.

Awatokua 27:41

Me ala gue, asi na ndö ti mbeni mbutu so ngu alinda na tere ni mbage na mbage. Li ti mangboko ni ali na ya ti mbutu si lege titene mangboko ni ahon ayeke daa pepe. Na mbage, ngangu ti *amapo akungbi peko ti mangboko ni kue.