Awatokua 27:16 - Mbeti ti Nzapa - Tënë so amu fini

¹⁶ E hon na mbage ti Mbongo ti mbeni kete zoa so a iri ni Koda. E sara ngangu mingi si e wara lege ti mu kete ngo so a kanga na tere ti mangboko ni; angba kete ka e ha gbaa.

Awatokua 27:16 ပူးပေါင်းရင်းမြစ်များ

Awatokua 16:10

Gi na peko ti so Paul abaa ye ni so, e leke tere ti e hio ti gue na Masedoane, ngbanga ti so e tene na be ti e, e tene, Nzapa airi e ti fa Nzoni Tënë na azo ni kâ.

Awatokua 27:15

Pupu ni amu mangboko ni ti hon na ni. So e gi lege gbaa ti hon na mangboko ni na mbage so pupu ni alondo daa si ayeke ga so, e zia ni titene pupu amu ni ahon na ni kirikiri.

Awatokua 27:17

Azo ti kpengo na mangboko ni amu kete ngo ni azia na ya ti mangboko ni. Na pekoni, ala mu mbeni kota kamba si ala kanga na tere ti mangboko ni kue. Ala sara mbeto titene mangboko ni ague, aluti na ndö ti mbutu ti yanga ti ngu ti kodro ti Libii. Nilaa ala mu kota nengo keke so a kanga na tere ti mangboko ni, ala bi na ya ti ngu titene mangboko ni ague mbage na mbage pepe; me pupu angba ti mu mangboko ni si ayeke hon na ni.

Awatokua 27:30

Me azo ti kpengo na mangboko ni ayeke gi lege ti kpe ti zia mangboko ni. Ala bi kete ngo ni na le ti ngu si ala handa azo atene, ala yeke gue ti bi ambeni nengo wen na ya ti ngu na mbage ti li ti mangboko ni.