Awatokua 27:11 - Mbeti ti Nzapa - Tënë so amu fini

¹¹ Me kapita ti aturugu aye gi ti ma tënë ti kapita ti mangboko ni na ti wa ti mangboko ni ahon wango ti Paul.

Awatokua 27:11 ပူးပေါင်းရင်းမြစ်များ

2 Agbia 6:10

Nilaa gbia ti Israel atokua aturugu ti baa ndo so zo ti Nzapa afa so. Ye ni so asi fani mingi: Élisée agboto mê ti gbia ti Israel daa, nilaa gbia ti Israel asara hange.

Amato 27:12

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Ezekiel 33:4

Tongana mbeni zo ama toto ti tatalita ni, me lo baa tënë ni tongana senge ye si awato aga afâ lo, mene ti lo ayeke na li ti lo wani.

Awatokua 27:21

Asara lango mingi, azo ti ya ti mangboko ni ate kobe pepe. Paul aluti na dawa ti ala si lo tene na ala: “A-ita, tongana ala ma fade wango ti mbi si ala ngba na Krete, ka e baa pasi si aye abuba tongaso pepe.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Jacques 3:4

Ala baa nga amangboko: ataa so ala yeke kota mingi si akota pupu ayeke pusu ala ti hon na ni, gi mbeni kete *kâî so ayeke na peko ti mangboko si ayeke sara titene mangboko ni ague na ndo so be ti zo ti kpengo na ni aye.

Aye so Nzapa afa 18:17

Gi na ya ti ngbonga oko, gba ti amosoro ti lo so kue abuba awe!” Amakonzi kue ti amangboko, azo so kue ayeke sara kua na ya ni, azo so ayeke tambula na amangboko ni, na azo so kue ayeke wara nginza na lege ti sarango kua na le ti ngu,