Awatokua 27:1 - Mbeti ti Nzapa - Tënë so amu fini

¹ So a mu yanga titene e mu mangboko ti gue na Italii, a mu Paul na ambeni zo ti kanga, a zia ala na maboko ti mbeni kapita ti aturugu so iri ti lo Yulius, kapita ti bongbi ti aturugu so a iri ni “Bongbi ti aturugu ti kota gbia.”

Awatokua 27:1 ပူးပေါင်းရင်းမြစ်များ

Tongo nda ti aye 50:20

Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so.

Abia (Psaumes) 33:11

Me ye so KOTA GBIA aye ti sara ayeke ngba lakue lakue. Atënë ti be ti lo angba kpu na kpu.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Abia ti demango tere 3:27

Ayeke nzoni zo ayeda ti sara ye so a hunda na lo na ngangu ti sara na ngoi so lo de maseka.

Matthieu 27:54

So makonzi ti aturugu ni na aturugu so ayeke bata Jésus abaa sese so ayingi nga na aye so kue asi, mbeto agbu ala mingi si ala tene: “Taa-tënë, lo yeke Molenge ti Nzapa!”

Nzoni Tënë so Luc asu na mbeti 23:47

So kapita ti aturugu ti Rome abaa ye ni tongaso, lo gonda Nzapa si lo tene: “Taa-tënë, koli so ayeke zo ti mbirimbiri!”

Nzoni Tënë so Luc asu na mbeti 7:2

Mbeni kapita ti aturugu ti Rome ayeke na zo ti kua so lo ye lo mingi. Zo ti kua ni ayeke na kobela si lo ga nduru ti kui.

Awatokua 10:1

Na gbata ti Sezare, mbeni koli ayeke daa, iri ti lo ayeke Corneille. Lo yeke kapita ti mbeni bongbi ti aturugu ti Rome so iri ni “Bongbi ti aturugu ti Italii.”

Awatokua 10:22

Azo ni akiri tënë, atene: “Kapita Corneille laa atokua e. Lo yeke zo ti mbirimbiri, lo yeke kpe mbeto ti Nzapa si azuife kue ayeke tene nzoni tënë ti lo. Mbeni ange ti Nzapa ahunda na lo ti iri mo ti ga na da ti lo titene lo ma tënë so mo yeke tene na lo.”

Awatokua 16:10

Gi na peko ti so Paul abaa ye ni so, e leke tere ti e hio ti gue na Masedoane, ngbanga ti so e tene na be ti e, e tene, Nzapa airi e ti fa Nzoni Tënë na azo ni kâ.

Awatokua 18:2

Kâ, lo wara mbeni zuife so iri ti lo Akilas; a du lo na sese ti Pon. Lo na wali ti lo Priscille alondo na Italii si ala ga fafadeso, ngbanga ti so kota gbia Claude amu mbeni mbela titene azuife kue alondo na gbata ti Rome. Paul ague, abaa Akilas na wali ti lo

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 21:32

Hio, lo mu ambeni kapita ti aturugu na ambeni turugu si ala kpe ague na tere ti azo ni. So ala baa kota komanda ti aturugu ni na aturugu ni, ala zia lege ti pikango Paul.

Awatokua 22:26

So kapita ti aturugu ni ama tënë so, lo gue, lo baa kota komanda ti aturugu si lo hunda lo, lo tene: “Nyen laa mo yeke sara so? Koli so ayeke zo ti Rome!”

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 23:17

Tongaso Paul airi mbeni kapita ti aturugu oko si lo tene na lo: “Gue na molenge-koli so na kota komanda ti aturugu, lo yeke na mbeni tënë ti tene na lo.”

Awatokua 24:23

Lo mu yanga na makonzi ti aturugu so ayeke bata Paul ti bata lo na da ti kanga, me ti zia na lo lege titene lo sara ambeni ye so be ti lo aye. Tongana amba ti lo aga ti mu maboko na lo, ayeke nzoni a kanga lege na ala pepe.

Awatokua 25:12

Na peko ti so Festus ahunda awamungo-wango ti lo na tënë ti be ti ala awe, lo kiri tënë, lo tene: “So mo ye ti gue na ngbanga ni na gbe ti kota gbia ti Rome, fade mo yeke gue na gbe ti kota gbia ti Rome.”

Awatokua 25:25

Ti mbi, mbi baa mbeni ye so lo sara titene a fâ lo ndali ni pepe. Me so lo wani, lo ye titene a gue na ngbanga ti lo na gbe ti kota gbia ti Rome, mbi yeda ti tokua lo na kota gbia ni.

Awatokua 27:11

Me kapita ti aturugu aye gi ti ma tënë ti kapita ti mangboko ni na ti wa ti mangboko ni ahon wango ti Paul.

Awatokua 27:43

Me kapita ti aturugu ni aye ti soo fini ti Paul, nilaa lo ke na ala ti fâ azo ti kanga ni. Tongaso lo mu yanga titene azo so ahinga ngu, ala ti na ya ti ngu kozoni ti hon na yanga ti ngu ni.

Awatokua 27:6

Na ndo so, kapita ti aturugu ni awara mbeni mangboko ti Aleksandrii so ayeke gue na Italii si lo zia e na ya ni.

Awatokua 28:1

So e si na nzoni tere, e ma a tene, iri ti zoa ni ayeke Malte.

Awatokua 28:16

So e si na Rome, a mu lege na Paul ti lango na ya ti mbeni senge da nde; a zia mbeni turugu oko na tere ti lo ti bata lo.

Ahebro 13:24

Ala bara azo ti li ti *Eglize ti ala kue nga na azo ti Nzapa kue. Ala so ayeke ti kodro ti Italii abara ala.