Awatokua 26:31 - Mbeti ti Nzapa - Tënë so amu fini

³¹ So ala sigigi awe, ala yeke tene na popo ti ala, atene: “Koli so asara mbeni ye so alingbi na kuâ wala na kanga pepe.”

Awatokua 26:31 ပူးပေါင်းရင်းမြစ်များ

2 Samuel 24:17

So David abaa ange so ayeke fâ azo ni, lo tene na KOTA GBIA: “Mbi laa mbi sara siokpari ni! Mbi laa mbi sara sioni ni! Me asenge zo so, nyen laa ala sara, nyen? Mbi gbu gere ti mo, ayeke nzoni mo pika gi mbi na asewa ti mbi.”

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Nzoni Tënë so Luc asu na mbeti 23:4

Pilate atene na akota wayango-sandaga na gba ti azo ni, atene: “Mbi wara ti mbi mbeni tënë oko pepe ti fâ ngbanga na li ti koli so ndali ni.”

Awatokua 23:29

Mbi baa so lo sara nga mbeni ye so alingbi na kuâ wala na kanga pepe. Tënë so ala yeke bi na li ti lo ayeke gi na ndö ti tënë ti ndia ti ala wani.

Awatokua 23:9

Dekongo ni ahon ndoni si ambeni wafango-ndia so ayeke na ya ti bongbi ti afarizien alondo si ala tene na kuru go, atene: “E wara mbeni tënë ti sioni na li ti koli so pepe. Mbeni yingo wala mbeni ange laa atene tënë na lo? E hinga so pepe.”

Awatokua 25:25

Ti mbi, mbi baa mbeni ye so lo sara titene a fâ lo ndali ni pepe. Me so lo wani, lo ye titene a gue na ngbanga ti lo na gbe ti kota gbia ti Rome, mbi yeda ti tokua lo na kota gbia ni.

Awatokua 28:18

So azo ti Rome ama tënë ti yanga ti mbi awe, ala ye ti zi mbi, ngbanga ti so ala wara mbeni tënë ti fango ngbanga ti kuâ na li ti mbi ndali ni pepe.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.