Awatokua 26:29 - Mbeti ti Nzapa - Tënë so amu fini

²⁹ Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

Awatokua 26:29 ပူးပေါင်းရင်းမြစ်များ

2 Agbia 5:3

Molenge-wali ni atene na wa ti lo: “Ae! Tongana kota zo ti mbi ague fade na mbeni wayanga-Nzapa so ayeke na Samarii, ka wayanga-Nzapa ni asara si buruma ti lo ahunzi!”

Sigingo 16:3

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 38:20

Me Jérémie atene na lo: “A yeke zia mo na maboko ti ala pepe. Ayeke nzoni mo ma tënë ti KOTA GBIA so mbi yeke tene peko ni na mo so; ndali ni, fade mo yeke baa nzoni si mo yeke soo fini ti mo.

Wungo ti azo 11:29

Moïse akiri tënë na lo: “Mo sara mbanda ndali ti mbi? Tongana KOTA GBIA akangbi yingo ti lo na azo ti Israel kue titene ala ga awayanga-Nzapa, ka ayeke nzoni mingi!”

Jean 5:34

Ti mbi, mbi yeke gi titene zo atene tënë na ndö ti mbi pepe; me mbi yeke tene tënë so si ala lingbi ti soo kuâ.

Awatokua 12:6

Kozo titene ndo ahan si Herode afâ ngbanga ti Pierre na le ti azo kue, na bi ni, Pierre ayeke lango na popo ti aturugu use. A kanga lo na zingiri use si a zia aturugu ti bata yanga ti da ni.

Awatokua 21:33

Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 25:14

So ala ngba ti sara lango mingi na ndo so, Festus afa tënë ti Paul na gbia Agripa, lo tene: “Mbeni koli ayeke ge so Félix azia lo na da ti kanga.

Rome 10:1

A-ita, tënë so agbu be ti mbi si mbi yeke sambela Nzapa ndali ti azuife, ayeke titene ala soo kuâ.

1 Korente 4:8

Ka so ala wara aye so kue ala ye ni awe so! Ka so ala ga azo ti mosoro awe so! Ala ga agbia awe si e ngba ti e asenge zo so ma? Ti be ti mbi, mbi ye titene ala ga agbia biani si e na ala kue, e le-gbia!

1 Korente 7:7

Ti be ti mbi, mbi ye si azo kue aduti tongana mbi; me zo oko oko ayeke na matabisi so Nzapa amu na lo: mbeni amu wali wala koli si mbeni amu wali wala koli laoko pepe.

2 Korente 11:1

Ala kanga be ti ala na mbi tongana mbi ga tongana zo so mbeni ye asara li ti lo! Biani, ala kanga be ti ala na mbi ma!

Efeze 6:20

Ataa so mbi yeke na da ti kanga, mbi yeke sara kua ti lembe ndali ti Nzoni Tënë. Ala sambela si mbi lingbi ti fa tënë ni na legeni, na mbeto pepe.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.