Awatokua 26:28 - Mbeti ti Nzapa - Tënë so amu fini

²⁸ Agripa atene na lo: “Mo baa ti mo, mo tene, mbi yeke ga zo ti Christ gi hio tongaso?”

Awatokua 26:28 ပူးပေါင်းရင်းမြစ်များ

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Marc 6:20

Biani, Herode ayeke kpe mbeto ti Jean, ngbanga ti so lo hinga, lo tene, Jean ayeke zo ti mbirimbiri, lo yeke nga zo so Nzapa azia lo nde ndali ti lo. Herode ayeke bata lo titene azo asara sioni na lo pepe. Lo yeke na nzara mingi ti ma Jean-Baptiste; me tongana lo ma lo, lo hinga ye so lo lingbi ti sara ni pepe.

Awatokua 11:26

So lo wara lo, lo ga na lo na Antioshe. Na ya ti ngu oko kue, ala use asara kua oko na ya ti Eglize ni si ala fa ye na gba ti azo. Kâ na Antioshe laa azo ato nda ti iri adisiple “azo ti Christ”.

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Awatokua 26:27

Gbia Agripa, mo ma na be na atënë so awayanga-Nzapa atene so? Mbi hinga so mo ma na be na ni!”

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

1 Pierre 4:16

Me tongana zo ni abaa pasi ndali ti so lo yeke zo ti Christ, alingbi kamene asara lo pepe; me alingbi lo mu singila na Nzapa ndali ti iri ti Christ so ayeke na ndö ti lo.