Awatokua 26:24 - Mbeti ti Nzapa - Tënë so amu fini

²⁴ So Paul afa nda ti tënë ti lo ngbii asi na ndo so, Festus adekongo na lo, atene: “Gbogbolinda asara mo, Paul! Mo manda mbeti mingi asara si mo ga zo ti gbogbolinda awe!”

Awatokua 26:24 ပူးပေါင်းရင်းမြစ်များ

2 Agbia 9:11

Yehu asigigi si lo kiri na tere ti amakonzi ti aturugu ti gbia. Ala hunda lo, atene: “Tongana nyen? Zo ti gbogbolinda so aga ti baa mo ngbanga ti nyen?” Yehu akiri tënë na ala, atene: “Ye ayeke daa pepe! Ala wani ahinga mara ti zo tongaso nga na atënë ti lo kue!”

Jérémie 29:26

“KOTA GBIA amu mo ti ga wayango-sandaga na peko ti Yoyada awe. Alingbi mo baa ndo na ndö ti azo ti gbogbolinda so atene, ala yeke awayanga-Nzapa si ala yeke sara kua na ya ti kota da ti Nzapa so. Alingbi mo kanga ala na ya ti olongbo, mo zia zingiri na go ti ala.

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Marc 3:21

So asewa ti Jésus ama tënë ni, ala ga si ala ye ti mu lo, ngbanga ti so ala tene: “Li ti lo aga kirikiri awe!”

Jean 7:15

Li ti amakonzi ti azuife kue akpe si ala tene: “Koli so ahinga aye so tongana nyen, so lo manda mbeti pepe so?”

Jean 8:48

Azuife akiri tënë na Jésus, atene: “Tënë so e tene so ayeke taa-tënë: ‘Mo yeke zo ti Samarii si sioni yingo ayeke na ya ti mo!’ ”

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’

Awatokua 17:32

So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!”

Awatokua 22:1

“Ababâ, a-ita, ala ma tënë so mbi ye ti tene na ala na ndö ti tënë so ala bi na li ti mbi so.”

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Awatokua 24:27

Na peko ti ngu use, Porsius Festus amu mbata ti govoronere na peko ti Félix. So Félix aye ti ga nzoni na le ti azuife, lo zia Paul angba na da ti kanga.

Awatokua 26:11

Lege mingi, mbi gue na ya ti ada ti sambelango Nzapa si mbi yeke sara pasi na ala, mbi yeke gbu ala na ngangu titene ala zonga Jésus. Ngonzo agbu mbi na tere ti ala ahon ndoni si mbi tumba peko ti ala ngbii mbi si na ya ti agbata ti awande ti sara ngangu na ala.”

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

2 Korente 5:13

Tongana e yeke azo so li ti ala ayeke daa pepe, e yeke tongaso ndali ti Nzapa. Tongana e yeke azo so li ti ala ayeke daa, e yeke tongaso ndali ti ala, a-ita.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.