Awatokua 26:18 - Mbeti ti Nzapa - Tënë so amu fini

¹⁸ Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Awatokua 26:18 ပူးပေါင်းရင်းမြစ်များ

Abia (Psaumes) 119:18

Zi le ti mbi si mbi baa aye ti kpene so ayeke na ya ti ndia ti mo.

Abia (Psaumes) 146:8

KOTA GBIA ayeke zi le ti azo so le ti ala akanga. Azo so ati na sese, KOTA GBIA ayeke mu ala na nduzu; KOTA GBIA aye azo ti mbirimbiri.

Ésaïe 29:18

Na lango ni so, azo so mê ti ala akanga, fade ala yeke ma atënë so a tene na ya ti mbeti; azo so le ti ala abuba ayeke sigigi na ya ti vukongo ndo so avuko pitipiti si ala yeke baa ndo.

Ésaïe 32:3

Le ti azo so alingbi fade ti baa ndo ayeke kiri ti kanga pepe, mê ti azo so alingbi fade ti ma ndo ayeke kiri ti ma ndo nzoni.

Ésaïe 35:5

Tongaso, fade awaziba ayeke kiri ti baa ndo; azo so mê ti ala akanga ayeke kiri ti ma ndo.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Ésaïe 43:8

Azo so le ti ala ayeke daa, me ala yeke baa ndo pepe so, azo so mê ti ala ayeke daa, me ala ma ndo pepe so, ala sigigi na ala.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 9:2

*KOTA GBIA, mo sara si azo awara ngia mingi, mo sara si ngia ti ala asi singo. Ala sara ngia na dawa ti mo tongana ti so azo ayeke sara ngia na ngoi ti fango ale ti kobe; ala sara ngia tongana ti so azo ayeke dekongo na ngia na ngoi so azo ayeke kangbi aye so ala gbu na peko ti bira.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Matthieu 4:16

Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Nzoni Tënë so Luc asu na mbeti 1:77

Mo yeke fa na azo ti lo lege so Nzapa ayeke zi tënë na li ti ala titene ala soo kuâ.

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Nzoni Tënë so Luc asu na mbeti 24:45

Tongaso lo sara si hingango ndo ti ala azi ti hinga nda ti Mbeti ti Nzapa.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Jean 17:17

Bata ala nde ndali ti mo na lege ti taa-tënë; tënë ti mo ayeke taa-tënë.

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Jean 9:39

Jésus atene: “Mbi ga na dunia so ti fâ ngbanga: tongaso si awaziba abaa ndo si azo so ayeke baa ndo, akiri aga awaziba.”

Jean 9:5

Na ndembe so mbi yeke na dunia so, mbi yeke lumiere ti dunia ni.”

Awatokua 10:43

Awayanga-Nzapa kue atene tënë ti lo, atene: ‘Zo so ama na be na lo, na iri ti lo, fade Nzapa ayeke zi asiokpari ti zo ni.’ ”

Awatokua 13:47

Biani, Kota Gbia amu yanga na e, atene: ‘Mbi sara si mo ga lumiere ti amara kue, tongaso si mo gue, mo fa na azo ti dunia kue tënë so alingbi ti sara si ala soo kuâ.’ ”

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 26:19

“Ndani laa, gbia Agripa, ye so alondo na yayu si asi na mbi na ya ti mbeni ye tongana bango-li so, mbi ke ti sara ye ti peko ni pepe.

Awatokua 26:23

Ala tene: fade *Mesii ayeke baa pasi si lo yeke duti kozo zo so ayeke zingo na popo ti akuâ, lo yeke fa lumiere na azo ti mara ti e nga na azo ti amara nde.”

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Korente 6:14

Azo so ama na be pepe, ala bongbi oko na ala ti sara kua pepe. Ye ti mbirimbiri na ye ti sioni ayeke bongbi oko tongana nyen? Zango ndo na vukongo ndo ayeke duti na ndo oko?

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Galasii 3:14

Christ asara tongaso titene anzoni ye so Nzapa amu zendo ni na Abraham so, azo ti amara nde nga awara ni na lege ti Christ. Tongaso na lege ti mabe, e wara Yingo so Nzapa amu zendo ni.

Galasii 3:2

Mbi ye titene ala kiri tënë na mbi na ndö ti tënë oko so si: ala wara Yingo ti Nzapa ndali ti so ala sara ye alingbi na *Ndia wala na lege ti Nzoni Tënë so ala ma si ala ma na be na ni?

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:14

Yingo so e wara afa atene, anzoni ye so Nzapa abata ndali ti e, e yeke wara ni kue na ndembe so a yeke zi e na ya ti sioni biani biani. Tongaso, ayeke nzoni e sepela gonda ti Nzapa!

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Efeze 2:8

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.

2 Timothée 2:26

si li ti ala akiri daa. Tongaso, fade ala yeke sigigi na ya ti gbanda ti Zabolo so lani akanga ala titene ala sara gi ye so be ti lo aye.

Ahebro 10:10

Jésus Christ asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e.

Ahebro 10:14

Na lege ti oko sandaga so lo mu, Christ asara si azo so lo *sukula sioni ti ala, ala ga nzoni kue kpu na kpu.

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 1:4

E yeke ku nga ti wara aye so Nzapa ayeke mu na azo ti lo titene aga ti ala. Aye ni alingbi ti buba pepe, ye ti sioni alingbi ti si na tere ni pepe si pendere ni alingbi ti hon nga pepe. Nzapa ayeke bata aye ni ti ku na ala na yayu.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

1 Jean 2:12

Amolenge ti mbi, mbi su mbeti so na ala, mbi tene: “Nzapa azi asiokpari na li ti ala awe ndali ti iri ti Jésus.”

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.