Awatokua 26:14 - Mbeti ti Nzapa - Tënë so amu fini

¹⁴ E kue, e ti na sese si mbi ma mbeni go so ayeke tene tënë na yanga ti *arameen, atene: ‘Saul, Saul, ngbanga ti nyen laa mo yeke sara ngangu na mbi? Mo yeke sara sioni na tere ti mo tongana nyama so akpo tere ti lo na yanga ti keke ti wa ti lo!’

Awatokua 26:14 ပူးပေါင်းရင်းမြစ်များ

Amato 13:15

Zo ti hingango ndo, be ti azo anzere na lo; me azo ti kango amba ti ala, lege ti ala ague kirikiri.

Zakarii 12:2

“Fade mbi yeke sara titene Jérusalem aga tongana kopo so asi singo na ngonzo ti mbi ndali ti azo so kue alango nduru na gbata ni; ala yeke nyon ni si ayeke sara ala tongana samba. Azo ti Juda nga ayeke nyon ngonzo ni si ayeke sara ala na ndembe so azo ayeke ga ti mu gbata ni na bira.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Awatokua 21:40

Kota komanda ti aturugu ni ayeda. Paul aluti na ndö ti eskalie ni si lo sara maboko ti lo na azo ni, azo ni kue akai si ndo ade. Tongaso Paul atene na ala na yanga ti *arameen, atene:

Awatokua 22:2

So ala ma lo yeke tene tënë na ala na yanga ti *arameen, ala kue aduti kpoo, ndo ade ngii. Paul atene:

Awatokua 26:13

Gbia, nduru na bekombite so mbi yeke na lege ti gue, mbeni lumiere alondo na nduzu si aza na tere ti mbi na amba ti mbi so e na ala e yeke tambula so. Lumiere ni aza ahon sungo ti lâ.

Awatokua 26:15

Mbi hunda ndo, mbi tene: ‘Mo yeke zo wa, *Kota Gbia?’ Kota Gbia akiri tënë, atene: ‘Mbi Jésus laa mo yeke sara ngangu na mbi so.

Awatokua 9:7

Azo so ala na Paul ayeke tambula, aluti kpoo, li ti ala kue akpe; ala ma go ni, me ala baa zo oko pepe.

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?