Awatokua 26:13 - Mbeti ti Nzapa - Tënë so amu fini

¹³ Gbia, nduru na bekombite so mbi yeke na lege ti gue, mbeni lumiere alondo na nduzu si aza na tere ti mbi na amba ti mbi so e na ala e yeke tambula so. Lumiere ni aza ahon sungo ti lâ.

Awatokua 26:13 ပူးပေါင်းရင်းမြစ်များ

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Matthieu 17:2

Tere ti Jésus akiri aga nde na le ti ala: ndö ti le ti lo aza tongana lâ, abongo ti lo avuru si ayeke za zango.

Awatokua 22:6

“So mbi yeke na lege si mbi ga nduru na Damas, nduru na bekombite, mo ye ti baa, mbeni lumiere alondo na nduzu, aza na tere ti mbi kue.

Awatokua 22:9

Azo so ayeke na tere ti mbi abaa lumiere ni, me ala ma go so ayeke tene tënë na mbi so pepe.

Awatokua 26:12

“Mbeni lâ, akota wayango-sandaga amu na mbi lege, ala mu na mbi yanga ti gue na Damas na iri ti ala.

Awatokua 26:14

E kue, e ti na sese si mbi ma mbeni go so ayeke tene tënë na yanga ti *arameen, atene: ‘Saul, Saul, ngbanga ti nyen laa mo yeke sara ngangu na mbi? Mo yeke sara sioni na tere ti mo tongana nyama so akpo tere ti lo na yanga ti keke ti wa ti lo!’

Awatokua 9:3

Saul amu lege ti gue na Damas. So lo ga nduru na gbata ni, mo ye ti baa, mbeni lumiere alondo na nduzu si aza na tere ti lo kue.

Aye so Nzapa afa 1:16

Lo gbu atongoro mbarambara na maboko ti lo ti koli; mbeni yongoro zeme so yanga ni aza mbage na mbage alondo na yanga ti lo si ayeke sigigi. Le ti lo ayeke za zango tongana lâ so ayeke za na ngangu ti lo kue.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.