Awatokua 26:11 - Mbeti ti Nzapa - Tënë so amu fini

¹¹ Lege mingi, mbi gue na ya ti ada ti sambelango Nzapa si mbi yeke sara pasi na ala, mbi yeke gbu ala na ngangu titene ala zonga Jésus. Ngonzo agbu mbi na tere ti ala ahon ndoni si mbi tumba peko ti ala ngbii mbi si na ya ti agbata ti awande ti sara ngangu na ala.”

Awatokua 26:11 ပူးပေါင်းရင်းမြစ်များ

Abia (Psaumes) 102:8

Lango agbu le ti mbi pepe, mbi yeke tongana kete ndeke so ayeke gi lo oko na li ti da.

Zo ti bongbingo azo 9:3

Na ndö ti sese so, mbeni sioni ye ayeke so: gi oko ye ayeke si na azo kue. Ndani laa be ti azo asi singo na aye ti sioni. So ala de na fini, ala sara ye tongana azo ti buba. Me na ndani, ala yeke gue na ndo ti akuâ.

Matthieu 10:17

Ala sara hange, ngbanga ti so fade azo ayeke gue na ala na gbe ti awafango-ngbanga. Fade azo ni ayeke pika ala na fimbo na ya ti ada ti sambelango Nzapa.

Marc 13:9

Me ti ala, ala sara hange! Fade azo ayeke gue na ala na gbe ti ngbanga; azo ayeke pika ala na ya ti ada ti sambelango Nzapa. Ala yeke luti na le ti agovoronere na agbia ndali ti mbi titene ala tene tënë ti mbi na le ti ala.

Marc 3:28

Mbi tene na ala taa-tënë: asioni ye so kue azo asara, ataa zonga so ala zonga na Nzapa, fade lo yeke zi tënë ni na li ti ala.

Nzoni Tënë so Luc asu na mbeti 15:17

Tongaso lo to nda ti gbu li ti lo si lo tene na be ti lo, lo tene: ‘Kobe ti tengo ni asi singo na azo ti kua ti babâ ti mbi si mbi yeke kui nzara ge so!

Nzoni Tënë so Luc asu na mbeti 21:12

Me kozoni si aye so kue asi, fade azo ayeke gbu ala ti sara ngangu na ala, azo ayeke gue na ala na ya ti ada ti sambelango Nzapa, azo ayeke bi ala na da ti kanga; azo ayeke gue na ala na gbe ti agbia nga na gbe ti agovoronere ndali ti iri ti mbi.

Nzoni Tënë so Luc asu na mbeti 6:11

Ngonzo agbu awafango-ndia na afarizien si ala yeke tene tënë na popo ti ala na ndö ti ye so ala lingbi ti sara na Jésus.

Awatokua 13:45

So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Awatokua 22:19

Mbi kiri tënë, mbi tene: ‘Kota Gbia, ala hinga kue atene, mbi yeke gue ando na ya ti ada ti sambelango Nzapa, mbi yeke sara si a gbu azo so ama na be na mo, a bi ala na da ti kanga si a pika ala.

Awatokua 22:5

Kota wayango-sandaga na bongbi ti *akangba kue alingbi ti fa so, tënë so mbi yeke tene ayeke taa-tënë. Ala laa amu na mbi lani ambeti so ala tokua na a-ita, azuife ti Damas. Nilaa mbi gue kâ ti gbu azo ni ti kanga ala na zingiri ti kiri na ala na Jérusalem titene a sara pasi na ala.”

Awatokua 9:1

Nzara ti sarango sioni na adisiple ti *Kota Gbia angba lakue na be ti Saul si lo yeke gi lege ti fâ ala. Tongaso, lo gue, lo baa kota wayango-sandaga,

Jacques 2:7

Gi azo ti mosoro so laa ayeke he nzoni iri so Nzapa azia na ndö ti ala!

2 Pierre 2:16

Me a gboto mê ti lo ndali ti ngangu li ti lo: mbeni lele, nyama so ayeke tene ka tënë pepe, amu go ti zo ti tene tënë, ti kanga lege na wayanga-Nzapa so li ti lo ayeke daa pepe so.