Awatokua 26:10 - Mbeti ti Nzapa - Tënë so amu fini

¹⁰ Ye so mbi sara na Jérusalem laa. Akota wayango-sandaga amu na mbi lege si na iri ti ala, mbi bi azo ti Christ mingi na da ti kanga. Na ndembe so azo ayeke fâ ngbanga ti kuâ na li ti ala, mbi nga, mbi yeda na tënë ni.

Awatokua 26:10 ပူးပေါင်းရင်းမြစ်များ

Abia (Psaumes) 16:3

Na ya ti kodro so, anzapa nde nde ayeke daa, mbi yeke ne ando ala mingi, me ti fadeso, mbi tene:

Awatokua 7:58

Ala gboto lo, asigigi na lo na ya ti gbata ni si ala bo lo na têne. Azo so abi tënë na li ti Étienne na le ti ngbanga so, ala zia abongo ti ala kue na tere ti mbeni maseka-koli so iri ti lo Saul.

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Awatokua 9:21

Azo so kue ama lo, li ti ala akpe si ala hunda ndo, atene: “Koli so laa, na Jérusalem, ayeke sara lani ngangu na azo so ayeke di iri ti Jésus so pepe? Lo ga ge gi ti gbu ala, ti kanga ala, ti kiri na ala na akota wayango-sandaga pepe?”

Awatokua 9:26

So Saul asi na Jérusalem, lo gi lege ti bongbi na adisiple; me mbeto ti lo asara ala kue. Biani, ala baa ti ala atene, lo yeke taa disiple pepe.

Awatokua 9:32

Pierre ayeke tambula na ya ti sese ni kue. Mbeni lâ, lo gue ti baa azo ti Nzapa so ayeke na gbata ti Lida.

Awatokua 9:41

Pierre ayoro maboko, agbu lo si ayo lo na nduzu. Na pekoni, lo iri azo ti Nzapa na awali-mua si lo fa na ala Tabita so ayeke na fini.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

Galasii 1:13

Biani, a-ita, ala ma tënë ti sarango ye ti mbi na ndembe so mbi yeke voro ando Nzapa tongana ti azuife. Ala hinga so mbi sara ando ngangu mingi na *Eglize ti Nzapa si mbi ye nga ti buba Eglize ni biani.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.