Awatokua 25:8 - Mbeti ti Nzapa - Tënë so amu fini

⁸ Paul ake atënë ni si lo tene: “Mbi sara sioni ye so ake ndia ti azuife, wala kota da ti Nzapa wala kota gbia ti Rome oko pepe.”

Awatokua 25:8 ပူးပေါင်းရင်းမြစ်များ

Tongo nda ti aye 40:15

Biani, a gbu mbi na ngangu na kodro ti ahebro si a ga na mbi ge. So mbi yeke ge so, mbi sara nga mbeni ye oko pepe si a bi mbi na da ti kanga so.”

Jérémie 37:18

Na pekoni, Jérémie atene na gbia Sedesias: “Sioni ti nyen laa mbi sara na mo, wala na azo ti gbe ti mo, wala na azo ti gbata so si ala bi mbi na da ti kanga so?

Daniel 6:22

Daniel akiri tënë na gbia, atene: “Gbia na nduzu!

Awatokua 23:1

Paul abaa ndo na le ti azo ti *Kota Bongbi ti Fango Ngbanga ni mbirimbiri si lo tene: “A-ita, na ngoi so mbi mu peko ti Nzapa ngbii asi laso, na be ti mbi, mbi baa mbeni sioni ye ayeke na li ti mbi oko pepe.”

Awatokua 24:12

Na ya ti kota da ti Nzapa, wala na ya ti ada ti sambelango Nzapa wala na mbeni ndo na ya ti gbata ni, mbeni zo abaa mbi na *bingbingo tënë na mbeni zo pepe; mbeni zo abaa nga mbi na pusungo azo ti sara wusuwusu na ya ti gbata pepe.

Awatokua 24:14

Me ye so mbi hinga na dawa ti mo ayeke so: mbi yeke voro Nzapa ti akotara ti e, mbi yeke sara ni alingbi na lege so Jésus afa na e; me azo ni atene, so ayeke sioni lege. Mbi yeda nga na atënë so kue a su na ya ti *Ndia ti Moïse na ambeti ti awayanga-Nzapa.

Awatokua 24:6

Lo tara nga ti li na sioni ye na ya ti kota da ti Nzapa si e gbu lo. [E ye fade ti fâ ngbanga ti lo alingbi na tënë ti ndia ti e,

Awatokua 25:10

Paul atene: “Mbi luti na gbe ti azo ti fango ngbanga ti kota gbia ti Rome titene ala fâ ngbanga na li ti mbi gi na ndo so. Mo wani, mo hinga nzoni so, mbi sara sioni ye na azuife oko pepe.

Awatokua 28:17

Lango ota na pekoni, Paul airi amakonzi ti azuife ti Rome ti ga na ndo ti lo. So ala bongbi tere ti ala awe, lo tene na ala: “A-ita, ataa so mbi sara mbeni sioni ye na azo wala mbi ke nga lege ti aye ti akotara ti e pepe, a gbu mbi na Jérusalem si a zia mbi na maboko ti azo ti Rome.

Awatokua 28:21

Ala kiri tënë na lo, atene: “E wara mbeni mbeti oko so alondo na Judée si afa na e tënë na ndö ti mo pepe. Mbeni ita ti e oko alondo kâ aga atene tënë wala afa na e mbeni sioni tënë na iri ti mo pepe.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.