Awatokua 24:26 - Mbeti ti Nzapa - Tënë so amu fini

²⁶ Félix abaa ti lo atene, fade Paul ayeke pete goro na lo, nilaa lo yeke iri Paul fani mingi titene ala sara lisoro.

Awatokua 24:26 ပူးပေါင်းရင်းမြစ်များ

2 Mbai 19:7

Fadeso, ala kpe mbeto ti KOTA GBIA; ala sara hange na ye so kue ala yeke sara, ngbanga ti so KOTA GBIA, Nzapa ti e aye ye ti kirikiri pepe, lo yeke mu mbage ti mbeni zo pepe, lo ye tënë ti petengo goro pepe.”

Mbeti ti Job 15:34

Biani, fade sewa ti zo ti sioni ayeke kiri ti du amolenge pepe; wâ ayeke gbi da ti azo so aye tënë ti goro.

Sigingo 23:8

Tongana mbeni zo aye ti pete goro na ala, ala yeda na ni pepe, ngbanga ti so goro ayeke vuko le ti zo, ataa zo so le ti lo azi; asara si fango ngbanga ague kirikiri.

Amato 17:23

Zo ti sioni amu goro so a pete na lo na hondengo ni ti sara si mbirimbiri fango ngbanga aduti daa pepe.

Amato 17:8

Ambeni zo abaa ti ala petengo goro tongana waraga so ayeke zi lege na ala; ala baa atene, ndo so kue ala yeke gue daa, aye ti ala kue ayeke ga nzoni.

Amato 19:6

Azo mingi ayeke tene anzerengo tënë ti handa na akota zo; azo kue aye tënë ti zo so ayeke mu kadoo na azo.

Amato 29:4

Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 33:15

– Zo so ayeke sara ye ti mbirimbiri si lo yeke tene taa-tënë; zo so ake ti wara ye na lege ti sarango ngangu na azo, zo so ake titene a pete na lo goro, zo so akanga mê ti lo titene lo ma atënë ti fango zo pepe, zo so akanga le ti lo titene lo baa ye ti sioni pepe.

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Ezekiel 22:27

Amakonzi ti ala ayeke tongana ambo ti ngonda so ayeke suru ya ti nyama so ala gbu; ala yeke tuku mene ti azo, ala yeke fâ azo titene ala nzi aye ti ala.

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Osée 4:18

So ala nyon samba ahon ndö ti ala awe, ala kiri ti sara gi aye ti ndumba; amakonzi ti ala aye ti sara gi aye ti kamene mingi.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Matthieu 17:3

Ala baa Moïse na Élie so ayeke tene tënë na Jésus.

Awatokua 24:17

“Asara ngu mingi so mbi si na Jérusalem pepe, nilaa mbi ga na nginza ti mu maboko na azo ti mara ti mbi; mbi ga nga ti mu *sandaga na Nzapa.

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

1 Samuel 12:3

Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 8:3

Me amolenge ni amu peko ti sarango ye ti lo pepe. Ala ye nginza mingi; azo ayeke pete goro na ala si ala yeke fâ ngbanga ti azo na legeni pepe.