Awatokua 24:22 - Mbeti ti Nzapa - Tënë so amu fini

²² Félix so ahinga tënë nzoni na ndö ti lege so Jésus afa, apusu tënë ni na mbeni lango. Lo tene: “Fade mbi yeke fâ ya ti ngbanga ni tongana Lisias, kota komanda ti aturugu aga si.”

Awatokua 24:22 ပူးပေါင်းရင်းမြစ်များ

Matthieu 2:7

Tongaso Herode airi azo ti gingo nda ti atongoro ni na hondengo ni. Lo hunda ala ti hinga mbirimbiri ngoi so tongoro ni asigigi na ni.

Awatokua 18:20

Azo ni ahunda na lo ti ngba na popo ti ala aninga, me lo ke.

Awatokua 19:40

Biani, ndali ti ye so asi laso so, fade a yeke bi tënë na li ti e atene, e laa e sara wusuwusu. Nda ti bongbingo tere ti e ni ayeke daa oko pepe, e lingbi nga ti wara mbeni tënë ti kiri na ni pepe.”

Awatokua 24:10

Govoronere asara maboko na Paul titene lo tene tënë; Paul atene: “Mbi hinga so mo fâ ngbanga na kodro so na ya ti angu mingi awe. Tongaso mbi zia be ti mbi na ndö ti mo so, fade mo yeke ma tënë so mbi yeke tene na ndö ti tënë so ala bi na li ti mbi.

Awatokua 24:14

Me ye so mbi hinga na dawa ti mo ayeke so: mbi yeke voro Nzapa ti akotara ti e, mbi yeke sara ni alingbi na lege so Jésus afa na e; me azo ni atene, so ayeke sioni lege. Mbi yeda nga na atënë so kue a su na ya ti *Ndia ti Moïse na ambeti ti awayanga-Nzapa.

Awatokua 24:24

Ambeni lango na pekoni, Félix na wali ti lo Drusile aga; wali ni ayeke zuife. Félix atokua ti iri Paul titene lo ma tënë so lo yeke tene na ndö ti mabe na Jésus Christ.

Awatokua 24:6

Lo tara nga ti li na sioni ye na ya ti kota da ti Nzapa si e gbu lo. [E ye fade ti fâ ngbanga ti lo alingbi na tënë ti ndia ti e,

Awatokua 25:26

Me mbi hinga mbirimbiri tënë so mbi lingbi ti su na mbeti ti tokua na kota gbia na ndö ti lo pepe. Ndani laa, mbi ga na lo na gbe ti ala, mbirimbiri na gbe ti mo, gbia Agripa si na peko ti gingo nda ti tënë ti lo, mbi hinga tënë so mbi lingbi ti su na mbeti.

Awatokua 26:3

Biani, mo hinga lege ti sarango aye ti azuife na atënë so alondo na popo ti ala kue. Tongaso mbi hunda na mo ti kanga be ti mo ti ma mbi.

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.

Ndia ti fani use ni 19:18

Awafango-ngbanga ayeke gi nda ti tënë ni mbirimbiri. Tongana ala baa so sioni zo ni atene mvene na le ti ngbanga, lo bi tënë senge senge na li ti ita ti lo,