Awatokua 24:20 - Mbeti ti Nzapa - Tënë so amu fini

²⁰ Wala ala so ge so, ala fa sioni so ala wara na li ti mbi na ndembe so mbi yeke na gbe ti azo ti *Kota Bongbi ti Fango Ngbanga.

Awatokua 24:20 ပူးပေါင်းရင်းမြစ်များ

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

Daniel 6:5

Tongaso, tanga ti agbenyogbia use na amakonzi ni agi lege ti hinga sioni so Daniel asara na kodro ni si ala lingbi ti bi tënë na li ti lo. Me ala wara tënë na li ti lo oko pepe, ngbanga ti so Daniel ayeke sara aye ti lo kue na legeni: azo abaa mbeni sioni ye oko so lo sara pepe.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

1 Samuel 12:5

Samuel akiri tënë na ala: “KOTA GBIA na gbia so lo soro lo ama tënë ti yanga ti ala laso awe. Ala wara mbeni tënë na li ti mbi pepe.” Azo ti Israel akiri tënë: “Een! KOTA GBIA ama tënë ti e awe.”