Awatokua 24:2 - Mbeti ti Nzapa - Tënë so amu fini

² A iri Paul si Tertulus amu tënë si lo bi tënë na li ti Paul, lo tene: “Gbia Félix, nzoni kode ti lekengo kodro ti mo asara si siriri aga na ya ti kodro so. Afini kode so mo sigigi na ni aga na nzoni duti na azo ti kodro so.

Awatokua 24:2 ပူးပေါင်းရင်းမြစ်များ

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Amato 26:28

Zo ti tenengo mvene na amba ti lo ayeke zia ka na be ti ala: lege ti kengo ala laa. Zo so ayeke tene anzerengo tënë ti handa na amba ti lo, lo sara si aye kue abuba.

Amato 29:5

Zo so atene anzerengo tënë ti handa na mba ti lo, lo zia gbanda na lege ti lo.

Awatokua 24:1

Lango oku na pekoni, kota wayango-sandaga Ananias na ambeni *kangba, nga na mbeni wagbungo-koko so azo ahinga lo na iri ti Tertulus, asi na Sezare. Ala gue na tënë ti Paul na gbe ti govoronere Félix.

Awatokua 24:3

Lakue, na ndo kue, e yeke yamba aye ni si e mu singila na mo mingi, gbia.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.