Awatokua 24:17 - Mbeti ti Nzapa - Tënë so amu fini

¹⁷ “Asara ngu mingi so mbi si na Jérusalem pepe, nilaa mbi ga na nginza ti mu maboko na azo ti mara ti mbi; mbi ga nga ti mu *sandaga na Nzapa.

Awatokua 24:17 ပူးပေါင်းရင်းမြစ်များ

Awatokua 20:16

Biani, Paul aleke na be ti lo ti luti na Efeze pepe, tongaso si ngoi ahon lo na sese ti Azii pepe. Lo ye ti gue hio ti si na Jérusalem kozoni si lango ti *Pantekote alingbi, tongana lege ayeke daa.

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

Awatokua 21:26

Tongaso Paul amu azo osio so si lo na ala ague ti sukula sioni na tere ti ala. Lango oko na pekoni, lo gue na ya ti kota da ti Nzapa si lo fa na azo lango so sukulango sioni ni ayeke hunzi na ni, so ti tene lango ti mungo sandaga na Nzapa ndali ti ala oko oko.

Awatokua 24:26

Félix abaa ti lo atene, fade Paul ayeke pete goro na lo, nilaa lo yeke iri Paul fani mingi titene ala sara lisoro.

Rome 15:31

Ala sambela si azuife so ayeke na Judée so ake tënë ti Nzapa asara sioni na mbi pepe. Ala sambela nga si ye so mbi yeke gue na ni na Jérusalem, azo ti Nzapa so ayeke kâ alingbi ti yamba ni na ngia.

2 Korente 8:6

Ndani laa e mu wango mingi na Tite titene lo hunzi kua ti nzoni be so lo to nda ni na ndo ti ala, azo ti Eglize ti Korente.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

2 Korente 9:12

Ye so ala bongbi so ayeke gi ndali ti mungo maboko na azo ti Nzapa so ye atia ala so pepe, me ayeke nga ti sara si azo mingi amu singila na Nzapa ndali ni.

Galasii 2:10

Ye oko so ala hunda na e ti sara ayeke titene e girisa ti mu maboko na azo ti mawa pepe; ye so mbi zia be ti mbi kue ti sarango ni laa.