Awatokua 24:15 - Mbeti ti Nzapa - Tënë so amu fini

¹⁵ Mbi zia be ti mbi ti ku mbeni ye na mbage ti Nzapa, azo so ayeke bi tënë na li ti mbi ayeke ku nga ni: fade azo ti mbirimbiri na azo ti sioni ayeke zingo na kuâ.

Awatokua 24:15 ပူးပေါင်းရင်းမြစ်များ

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Nzoni Tënë so Luc asu na mbeti 14:14

Fade mo yeke duti na ngia, ngbanga ti so ala yeke na ye ti kiri na ni na mo pepe. Me Nzapa ayeke kiri ni ande na mo na ngoi so azo ti mbirimbiri ayeke zingo na kuâ.”

Jean 11:24

Marthe akiri tënë, atene: “Mbi hinga so, lo yeke zingo na kuâ na lango ti ndani.”

Awatokua 24:21

Na ndembe so mbi luti na gbe ti azo ti Kota Bongbi ti Fango Ngbanga, mbi dekongo, mbi tene: ‘Ala yeke fâ ngbanga na li ti mbi laso, ngbanga ti so mbi yeda na tënë ti zingongo ti akuâ!’ Ndali ti tënë oko so laa ala duti ti fâ ngbanga na li ti mbi laso?”

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.

Aye so Nzapa afa 20:6

Ti ala nzoni, ala so ayeke na popo ti akozo kuâ so azingo! Ala yeke ti ala biani azo ti Nzapa, kuâ ti use ni ayeke na ngangu na ndö ti ala pepe. Ala yeke ga awayango-sandaga ti Nzapa na ti Christ si ala na lo ayeke le-gbia na ya ti ngu saki oko.