Awatokua 24:14 - Mbeti ti Nzapa - Tënë so amu fini

¹⁴ Me ye so mbi hinga na dawa ti mo ayeke so: mbi yeke voro Nzapa ti akotara ti e, mbi yeke sara ni alingbi na lege so Jésus afa na e; me azo ni atene, so ayeke sioni lege. Mbi yeda nga na atënë so kue a su na ya ti *Ndia ti Moïse na ambeti ti awayanga-Nzapa.

Awatokua 24:14 ပူးပေါင်းရင်းမြစ်များ

1 Mbai 29:18

KOTA GBIA, Nzapa ti akotara ti e Abraham, Isaac na Jacob, sara titene be ti azo ti mo so ala leke ti mu ye na mo angba gi tongaso si be ti ala angba lakue na mbage ti mo.

Abia (Psaumes) 119:46

Na dawa ti agbia, mbi yeke tene tënë ti aye so mo hunda; kamene ayeke sara mbi pepe.

Sigingo 3:15

Nzapa akiri atene na Moïse: “Fade mo tene na azo ti Israel, mo tene: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac, Nzapa ti Jacob laa atokua mbi na ala.’ So iri ti mbi kpu na kpu laa; iri so azo ti angoi kue ayeke iri mbi na ni laa.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Matthieu 10:32

“Zo so kue atene na le ti azo atene, ni yeke zo ti mbi, fade mbi nga, mbi yeke tene na le ti Babâ ti mbi so ayeke na yayu, mbi tene, lo yeke zo ti mbi.

Matthieu 22:40

*Ndia ti Moïse na ambeti ti awayanga-Nzapa kue aluti na ndö ti andia use so.”

Matthieu 7:12

“Ye so kue ala ye titene azo asara na ala, ala wani asara nga ye ni na azo. So ayeke kota tënë ti ya ti *Ndia ti Moïse na ti ambeti ti awayanga-Nzapa.”

Nzoni Tënë so Luc asu na mbeti 1:70

Lo zia tënë ni ando na yanga ti awayanga-Nzapa si ala tene ni; awayanga-Nzapa so Nzapa azia ala nde ndali ti lo.

Nzoni Tënë so Luc asu na mbeti 16:16

“*Ndia ti Moïse na ambeti ti awayanga-Nzapa afa lege na azo ngbii asi na ngoi ti Jean-Baptiste. Ti londo na ngoi ti Jean-Baptiste, azo ayeke fa Nzoni Tënë ti *Kodro-gbia ti Nzapa si zo oko oko ayeke sara ngangu ti li na ya ti Kodro ni.

Nzoni Tënë so Luc asu na mbeti 16:29

Abraham atene na lo: ‘*Ndia ti Moïse na ambeti ti awayanga-Nzapa ayeke na popo ti ala: ayeke nzoni ala ma ni.’

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Awatokua 10:43

Awayanga-Nzapa kue atene tënë ti lo, atene: ‘Zo so ama na be na lo, na iri ti lo, fade Nzapa ayeke zi asiokpari ti zo ni.’ ”

Awatokua 13:15

So a diko ambeti ti *Ndia na ti awayanga-Nzapa awe, amakonzi ti da ti sambelango Nzapa atokua na ala, atene: “A-ita, tongana ala yeke na mbeni tënë ti mu ngangu na be ti azo ni, ala tene tënë!”

Awatokua 15:5

Me ambeni *farizien so ama na be alondo, ala mu tënë si ala tene: “Alingbi azo ti amara nde afâ ganza, a mu nga yanga na ala ti bata *Ndia ti Moïse.”

Awatokua 19:23

Na ndembe ni so, kota wusuwusu alondo na Efeze ndali ti lege ti *Kota Gbia.

Awatokua 19:9

Me ambeni akpengba be ti ala si ala ke ti yeda na tënë ni. Na le ti azo kue, ala tene asioni tënë na ndö ti lege ti Kota Gbia. Paul akangbi na ala, lo mu adisiple si ala sigigi; na ya ti lango oko oko, lo yeke tene tënë na ala na ya ti da-mbeti ti Tiranos.

Awatokua 22:14

Lo tene na mbi: ‘Nzapa ti akotara ti e asoro mo titene mo hinga ye so lo ye, mo baa Jésus, zo ti mbirimbiri si mo ma nga tënë so lo yeke tene na yanga ti lo wani.

Awatokua 24:22

Félix so ahinga tënë nzoni na ndö ti lege so Jésus afa, apusu tënë ni na mbeni lango. Lo tene: “Fade mbi yeke fâ ya ti ngbanga ni tongana Lisias, kota komanda ti aturugu aga si.”

Awatokua 24:5

E baa so, koli so ayeke sioni mingi: lo yeke bi wusuwusu na popo ti azuife ti dunia kue, lo yeke makonzi ti sioni bongbi so iri ni bongbi ti Nazaret.

Awatokua 25:8

Paul ake atënë ni si lo tene: “Mbi sara sioni ye so ake ndia ti azuife, wala kota da ti Nzapa wala kota gbia ti Rome oko pepe.”

Awatokua 26:22

Me Nzapa abata mbi ngbii asi laso si mbi ngba ti fa peko ti ye so asi mbi na azo kue: akete zo na akota zo. Mbi yeke tene gi tënë ti ye so Moïse na awayanga-Nzapa atene tënë ni ando si ye ni asi so.

Awatokua 26:27

Gbia Agripa, mo ma na be na atënë so awayanga-Nzapa atene so? Mbi hinga so mo ma na be na ni!”

Awatokua 26:4

“Azuife kue ahinga tënë ti dutingo ti mbi na molenge ngbii asi laso; ala hinga nga lege ti dutingo ti mbi na popo ti azo ti mara ti mbi nga na Jérusalem.

Awatokua 26:6

Fadeso, mbi yeke na gbe ti azo ti fango ngbanga ndali ti so mbi zia be ti mbi ti ku ye so Nzapa amu zendo ni na akotara ti e.

Awatokua 28:22

Me e ye ti ma na yanga ti mo wani ye so ayeke na be ti mo, ngbanga ti so e hinga, e tene, na ndo kue azo ayeke ke tënë ti bongbi so mo yeke na ya ni.”

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Awatokua 5:30

Ala, ala kanga Jésus na ndö ti keke ti kroa si lo kui, me Nzapa ti akotara ti e azingo lo na kuâ.

Awatokua 7:32

‘Mbi yeke Nzapa ti akotara ti mo, Nzapa ti Abraham, ti Isaac na ti Jacob.’ Tere ti Moïse ayeke do na mbeto si lo ye ti kiri ti baa ye ni pepe.

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 3:21

Me fadeso, Nzapa afa so, zo yeke ga mbirimbiri na lege ti *Ndia pepe. Ndia ti Moïse na ambeti ti awayanga-Nzapa afa tënë ni awe.

1 Korente 11:19

Ti tene taa-tënë, alingbi kangbi aduti na popo ti ala, tongaso si a hinga azo so na popo ti ala ayeke sara ye na legeni.

Galasii 5:20

vorongo anzapa nde, guengo na zo na gbe ti yoro, kengo zo, papa, kota be, ngonzo, gbugburungo tere ti gi na kota ndo, mungo mbage ti mbeni zo, kangbi,

2 Timothée 1:3

Mbi mu singila mingi na Nzapa so mbi yeke sara na lo na vuru be tongana ti so akotara ti mbi asara ando. Bi na lâ, mbi yeke zia mo lakue na ya ti asambela ti mbi.

Tite 3:10

Zo so ayeke ga na kangbi na ya ti Eglize, mo gboto mê ti lo kozoni. Tongana lo ngba daa, mo kiri mo gboto mê ti lo ti fani use. Na pekoni, tongana lo ma mo pepe, mo zia lo na gigi.

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.