Awatokua 24:12 - Mbeti ti Nzapa - Tënë so amu fini

¹² Na ya ti kota da ti Nzapa, wala na ya ti ada ti sambelango Nzapa wala na mbeni ndo na ya ti gbata ni, mbeni zo abaa mbi na *bingbingo tënë na mbeni zo pepe; mbeni zo abaa nga mbi na pusungo azo ti sara wusuwusu na ya ti gbata pepe.

Awatokua 24:12 ပူးပေါင်းရင်းမြစ်များ

Marc 9:14

So ala ga awara tanga ti adisiple, ala baa gba ti azo so ayeke na tere ti ala. Azo ni na awafango-ndia ayeke *bingbi tënë na adisiple ni.

Jean 18:21

Ngbanga ti nyen laa mo kiri mo hunda mbi na tënë? Mo hunda azo so ama tënë ti mbi: atënë so mbi tene na ala, ala hinga ni nzoni.”

Awatokua 24:18

Na ndembe so laa, ala wara mbi na ya ti kota da ti Nzapa, na peko ti so mbi hunzi *sukulango sioni ti mbi. Andaa mbi bongbi azo na tere ti mbi pepe, azo asara wusuwusu pepe.

Awatokua 24:5

E baa so, koli so ayeke sioni mingi: lo yeke bi wusuwusu na popo ti azuife ti dunia kue, lo yeke makonzi ti sioni bongbi so iri ni bongbi ti Nazaret.

Awatokua 25:8

Paul ake atënë ni si lo tene: “Mbi sara sioni ye so ake ndia ti azuife, wala kota da ti Nzapa wala kota gbia ti Rome oko pepe.”

Awatokua 28:17

Lango ota na pekoni, Paul airi amakonzi ti azuife ti Rome ti ga na ndo ti lo. So ala bongbi tere ti ala awe, lo tene na ala: “A-ita, ataa so mbi sara mbeni sioni ye na azo wala mbi ke nga lege ti aye ti akotara ti e pepe, a gbu mbi na Jérusalem si a zia mbi na maboko ti azo ti Rome.