Awatokua 24:1 - Mbeti ti Nzapa - Tënë so amu fini

¹ Lango oku na pekoni, kota wayango-sandaga Ananias na ambeni *kangba, nga na mbeni wagbungo-koko so azo ahinga lo na iri ti Tertulus, asi na Sezare. Ala gue na tënë ti Paul na gbe ti govoronere Félix.

Awatokua 24:1 ပူးပေါင်းရင်းမြစ်များ

Abia (Psaumes) 11:2

Baa, azo ti sioni agboto ya ti kokora ti ala, ala zia le ni na ndö ti kamba ni; ala duti na ya ti vukongo ndo si ala yeke tokua ale ti kokora ni na tere ti azo so be ti ala avuru.

Ésaïe 3:3

aturugu ti kota kamba na akota zo ti kodro, awamungo-wango, azo ti sarango mazi nga na akota zo ti yoro.

Awatokua 12:21

So lango ni alingbi awe, Herode ayu bongo ti lo ti gbia, lo duti na ndö ti mbata ti lo ti gbia si lo yeke tene tënë na ala na le ti azo kue.

Awatokua 21:27

So lango mbarambara ni aga nduru ti hunzi awe, ambeni zuife ti sese ti Azii abaa Paul na ya ti kota da ti Nzapa. Ala pusu gba ti azo ti sara wusuwusu, ala gbu lo.

Awatokua 23:2

Me kota wayango-sandaga Ananias amu yanga na azo so ayeke sara kua na tere ti lo ti pika yanga ti Paul.

Awatokua 23:24

Ala leke nga ambeni mbarata titene ayo Paul ague na lo na nzoni tere na govoronere Félix.

Awatokua 23:30

Me so mbi ma a tene, ambeni zuife ayeke leke tënë ti fâ lo, mbi tokua lo na mo. Mbi hunda na azo ti bingo tënë na li ti lo ti gue na tënë ti lo na gbe ti mo.”

Awatokua 23:33

So ala si na Sezare awe, aturugu ti kpengo na mbarata amu mbeti ni na govoronere si ala fa nga Paul na lo.

Awatokua 23:35

lo tene: “Fade mbi yeke ma tënë ti yanga ti mo tongana azo so abi tënë na li ti mo aga si.” Na pekoni, lo mu yanga titene a bata Paul na yangbo ti Herode.

Awatokua 24:11

Tongana mo ye ti gi ti hinga nda ti tënë so, mo gi ni senge. Asara gi lango baleoko na use so mbi gue na Jérusalem ti voro Nzapa.

Awatokua 24:2

A iri Paul si Tertulus amu tënë si lo bi tënë na li ti Paul, lo tene: “Gbia Félix, nzoni kode ti lekengo kodro ti mo asara si siriri aga na ya ti kodro so. Afini kode so mo sigigi na ni aga na nzoni duti na azo ti kodro so.

Awatokua 25:15

So mbi gue na Jérusalem, akota wayango-sandaga ti azuife na *akangba ti ala aga na tënë ti lo na gbe ti mbi si ala hunda na mbi ti fâ ngbanga na li ti lo.

Awatokua 25:2

Kâ, akota wayango-sandaga na amakonzi ti azuife aga ti baa lo ti zia tënë ti Paul na gbe ti lo. Ala voro Festus mingi

1 Korente 2:1

A-ita, na ndembe so mbi gue lani na ndo ti ala kâ, mbi sigigi na ala nda ti taa-tënë ti Nzapa so angba na hondengo ni; mbi tene tënë na ala na lege ti angbongboro tënë wala atënë ti ndara pepe.

1 Korente 2:4

Tënë ti mbi na fango ye ti mbi ayeke pepe tongana ti azo so ayeke mu atënë ti ndara ti zo ti woko na be ti amba ti ala, me atënë ti mbi ayeke ngangu ti Yingo ti Nzapa so ayeke woko be ti zo.