Awatokua 23:9 - Mbeti ti Nzapa - Tënë so amu fini

⁹ Dekongo ni ahon ndoni si ambeni wafango-ndia so ayeke na ya ti bongbi ti afarizien alondo si ala tene na kuru go, atene: “E wara mbeni tënë ti sioni na li ti koli so pepe. Mbeni yingo wala mbeni ange laa atene tënë na lo? E hinga so pepe.”

Awatokua 23:9 ပူးပေါင်းရင်းမြစ်များ

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Marc 2:16

So Jésus na azo ti rongo nginza ti lapo na azo ti siokpari ayeke te kobe, ambeni *farizien so ayeke awafango-ndia abaa lo si ala hunda adisiple ti lo, atene: “Ngbanga ti nyen si lo yeke te kobe na azo ti rongo nginza ti lapo na azo ti siokpari?”

Nzoni Tënë so Luc asu na mbeti 23:22

Ti fani ota ni, lo hunda ala, lo tene: “Me sioni ye ti nyen laa koli so asara? Mbi wara mbeni tënë na li ti lo so alingbi ti fâ lo ndali ni pepe. Fade mbi yeke mu yanga titene a pika gi lo pikango si mbi zi lo.”

Nzoni Tënë so Luc asu na mbeti 23:4

Pilate atene na akota wayango-sandaga na gba ti azo ni, atene: “Mbi wara ti mbi mbeni tënë oko pepe ti fâ ngbanga na li ti koli so ndali ni.”

Nzoni Tënë so Luc asu na mbeti 5:30

*Afarizien na awafango-ndia ti ala ayeke kasa tënë ni si ala tene na adisiple ti Jésus, atene: “Ngbanga ti nyen laa ala yeke te, ala yeke nyon na azo ti rongo nginza ti lapo nga na azo ti siokpari so?”

Jean 12:29

Gba ti azo so ayeke kâ ama go ni si ambeni atene ti ala atene, so bekpa laa asungba so! Ambeni atene ti ala: “Mbeni *ange laa atene tënë na lo!”

Awatokua 11:17

Tongana Nzapa amu na azo ni gi mara ti nzoni ye ti Yingo so lo mu na e na ndembe so e ma na be na Kota Gbia Jésus Christ so, mbi yeke ti mbi zo wa ti kanga lege na Nzapa?”

Awatokua 22:6

“So mbi yeke na lege si mbi ga nduru na Damas, nduru na bekombite, mo ye ti baa, mbeni lumiere alondo na nduzu, aza na tere ti mbi kue.

Awatokua 22:7

Mbi ti na sese si mbeni go atene na mbi: ‘Saul, Saul, mo yeke sara ngangu na mbi ngbanga ti nyen?’

Awatokua 23:29

Mbi baa so lo sara nga mbeni ye so alingbi na kuâ wala na kanga pepe. Tënë so ala yeke bi na li ti lo ayeke gi na ndö ti tënë ti ndia ti ala wani.

Awatokua 23:8

Asadusien atënë ti ala atene zingongo ti akuâ ayeke daa pepe, *ange wala yingo ayeke nga daa pepe. Ti afarizien ala tene aye so kue ayeke daa.

Awatokua 25:25

Ti mbi, mbi baa mbeni ye so lo sara titene a fâ lo ndali ni pepe. Me so lo wani, lo ye titene a gue na ngbanga ti lo na gbe ti kota gbia ti Rome, mbi yeda ti tokua lo na kota gbia ni.

Awatokua 26:31

So ala sigigi awe, ala yeke tene na popo ti ala, atene: “Koli so asara mbeni ye so alingbi na kuâ wala na kanga pepe.”

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Awatokua 5:39

Me tongana alondo na Nzapa, ala amba ti mbi, ala yeke na ngangu ti kanga lege ni pepe! Ala sara hange si ala tiri bira na Nzapa pepe!” Azo ti fango ngbanga ni aye peko ti tënë ti Gamaliel.

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?

1 Samuel 12:5

Samuel akiri tënë na ala: “KOTA GBIA na gbia so lo soro lo ama tënë ti yanga ti ala laso awe. Ala wara mbeni tënë na li ti mbi pepe.” Azo ti Israel akiri tënë: “Een! KOTA GBIA ama tënë ti e awe.”

1 Samuel 24:17

So David atene tënë so awe, Saul ahunda ndo, atene: “David molenge ti mbi, taa go ti mo laa?” Na pekoni, Saul ati na kota toto.