Awatokua 23:19 - Mbeti ti Nzapa - Tënë so amu fini

¹⁹ Kota komanda ni agbu maboko ti molenge ni, lo gue na lo yongoro kete si lo hunda lo, lo tene: “Tënë ti nyen laa mo ye ti tene na mbi?”

Awatokua 23:19 ပူးပေါင်းရင်းမြစ်များ

Marc 10:51

Jésus ahunda lo, atene: “Mo ye mbi sara nyen na mo?” Waziba ni akiri tënë na lo: “Wafango-ye, sara si mbi kiri mbi baa ndo.”

Marc 9:27

Me Jésus agbu maboko ti lo, amu lo na nduzu si lo luti.

Marc 8:23

Jésus agbu maboko ti waziba ni si asigigi na lo na ya ti kodro ni. Na pekoni, lo tuku ngu ti yanga ti lo, lo zia na le ti zo ni; lo zia maboko na ndö ti lo si lo hunda lo, atene: “Mo baa mbeni ye?”

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Esther 9:12

Gbia atene na wali ti lo Esther, atene: “Gi na kota kodro ti Suze oko, azuife afâ si anika azo ngbangbo oku; ala fâ nga amolenge ti Haman baleoko kue. Ti tanga ti akodro-sese ni kâ ayeke oke? Me mo ye nyen? Fade a yeke mu ni na mo. Nyen laa mo hunda, nyen? Fade mbi yeke sara na mo ye so kue be ti mo aye.”

Esther 7:2

ti fani use ni. So ala hunzi ti te kobe awe, gbia akiri ahunda Esther, atene: “Esther, wali ti gbia, mo ye nyen? Fade a yeke mu ni na mo. Nyen laa mo hunda, nyen? Mbi yeke nduru ti mu na mo ye kue, ataa ndambo ti kodro ti mbi!”

Esther 5:3

Gbia ahunda lo, atene: “Esther, wali ti gbia, nyen? Nyen laa mo hunda, nyen? Mbi yeke nduru ti mu na mo ye ni, ataa ndambo ti kodro ti mbi!”

Néhémie 2:4

Gbia atene na mbi: “Mo ye nyen?” Mbi sambela Nzapa ti yayu.

Jean 18:12

Tongaso, bongbi ti aturugu ni na makonzi ti ala nga na awabatango kota da ti Nzapa ti azuife agbu Jésus, akanga lo.

Awatokua 17:19

Ala mu lo na peko ti ala, ague na lo na gbe ti bongbi ti azo ti Areopaze si ala hunda lo: “E lingbi ti hinga fini tënë so mo yeke fa ni so?

Awatokua 23:18

Kapita ti aturugu amu molenge-koli ni, ague na lo na kota komanda si lo tene: “Paul, zo ti kanga airi mbi si lo hunda mbi ti ga na molenge-koli so na mo, ngbanga ti so lo yeke na mbeni tënë ti tene na mo.”

Awatokua 23:20

Lo kiri tënë, lo tene: “Amakonzi ti azuife ama tere ti hunda mo ti mu Paul ti gue na lo na gbe ti azo ti *Kota Bongbi ti Fango Ngbanga kekereke. Ala ye ti handa mo atene, bongbi ti azo ni aye ti hinga ambeni tënë na ndö ti lo nzoni.