Awatokua 23:17 - Mbeti ti Nzapa - Tënë so amu fini

¹⁷ Tongaso Paul airi mbeni kapita ti aturugu oko si lo tene na lo: “Gue na molenge-koli so na kota komanda ti aturugu, lo yeke na mbeni tënë ti tene na lo.”

Awatokua 23:17 ပူးပေါင်းရင်းမြစ်များ

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Jean 18:12

Tongaso, bongbi ti aturugu ni na makonzi ti ala nga na awabatango kota da ti Nzapa ti azuife agbu Jésus, akanga lo.

Awatokua 22:26

So kapita ti aturugu ni ama tënë so, lo gue, lo baa kota komanda ti aturugu si lo hunda lo, lo tene: “Nyen laa mo yeke sara so? Koli so ayeke zo ti Rome!”

Awatokua 23:16

Me molenge-koli ti ita ti Paul ti wali ama tënë ti ye so ala yeke leke so si lo gue na ya ti gbagba ti aturugu, lo tene tënë ni na Paul.

Awatokua 23:18

Kapita ti aturugu amu molenge-koli ni, ague na lo na kota komanda si lo tene: “Paul, zo ti kanga airi mbi si lo hunda mbi ti ga na molenge-koli so na mo, ngbanga ti so lo yeke na mbeni tënë ti tene na mo.”

Awatokua 23:23

Na pekoni, kota komanda ti aturugu ni airi akapita ti aturugu ti lo use si lo tene na ala: “Ala leke aturugu ngbangbo use ti gue na Sezare, ala na aturugu ti kpengo na mbarata balembarambara na aturugu ngbangbo use so ayeke tiri na likongo. Ala leke tere ti ala ti londo na ngbonga gumbaya ti bi so.