Awatokua 23:14 - Mbeti ti Nzapa - Tënë so amu fini

¹⁴ Ala gue, abaa akota wayango-sandaga na *akangba si ala tene: “E deba yanga ti e na le ti azo kue titene e te kobe wala e nyon nga ngu pepe ngbii e fâ Paul si.

Awatokua 23:14 ပူးပေါင်းရင်းမြစ်များ

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Jérémie 6:15

Kamene alingbi fade ti gbu le ti ala ndali ti asioni ye so ala sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Osée 4:9

Oko ye so ayeke si na azo ti mbi, ni laa ayeke si na awayango-sandaga. Fade mbi yeke kiri na ala peko ti sioni dutingo ti ala, mbi yeke kiri na ala peko ti sioni sarango ye ti ala.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Awatokua 23:12

So ndo ahan awe, ambeni zuife abongbi tere si ala leke tënë: ala deba yanga ti ala, atene, ala yeke te kobe wala ala yeke nyon nga ngu pepe ngbii ala fâ Paul si.

Awatokua 23:13

Li ti azo so kue abongbi si aleke tënë so ahon baleosio.

Awatokua 23:20

Lo kiri tënë, lo tene: “Amakonzi ti azuife ama tere ti hunda mo ti mu Paul ti gue na lo na gbe ti azo ti *Kota Bongbi ti Fango Ngbanga kekereke. Ala ye ti handa mo atene, bongbi ti azo ni aye ti hinga ambeni tënë na ndö ti lo nzoni.

Awatokua 23:21

Me mo yeda na tënë ti ala pepe, ngbanga ti so ambeni koli, li ti ala ahon baleosio, ayeke honde ande tere ti ala ti ku lo. Ala deba yanga ti ala atene, ala yeke te kobe wala ala yeke nyon nga ngu pepe, ngbii ala fâ Paul si. Ala leke tere ti ala awe si ala yeke ku gi tënë ti yanga ti mo.”