Awatokua 23:12 - Mbeti ti Nzapa - Tënë so amu fini

¹² So ndo ahan awe, ambeni zuife abongbi tere si ala leke tënë: ala deba yanga ti ala, atene, ala yeke te kobe wala ala yeke nyon nga ngu pepe ngbii ala fâ Paul si.

Awatokua 23:12 ပူးပေါင်းရင်းမြစ်များ

Tongo nda ti aye 37:18

A-ita ti lo abaa lo na ndembe so lo ngba yongoro. Kozo titene lo si na tere ti ala, ala leke tënë ti fâ lo.

1 Agbia 19:2

Tongaso Yezabel atokua mbeni zo na Élie ti tene na lo: “Kekereke gi na oko ngbonga so, tongana mbi sara na mo mara ti ye so mo sara na awayanga ti nzapa Baal so pepe, ayeke nzoni anzapa asara ye ti ngangu mingi na mbi!”

2 Agbia 6:31

Gbia atene: “Laso, tongana li ti Élisée, molenge ti Shafat angba na ndö ti go ti lo, ayeke nzoni Nzapa asara ye ti ngangu mingi na mbi!”

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Esther 2:22

Mardochée ama tënë ni si lo mu tënë ni atene na gbia-wali Esther; Esther atene tënë ni na gbia na iri ti Mardochée.

Abia (Psaumes) 31:13

Be ti azo agirisa na mbi tongana ti so be ti azo ayeke girisa na zo so akui awe. Mbi yeke tongana gbagba ta so a bi ni awe.

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 44:25

Tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala, na awali ti ala, tënë so asigigi na yanga ti ala, ni laa ala sara so: ala zö dukani na gbia-wali ti yayu si ala tuku samba ti mu na sandaga na lo. Ala mu zendo awe, ala ngba daa, ala sara ye ti peko ni ma!

Awayango-sandaga 27:29

Ataa zo laa a zia lo nde ndali ti KOTA GBIA biani biani, zo alingbi ti kiri ti vo lo pepe: fade a yeke fâ lo.

Matthieu 26:4

Ala leke tënë ti gbu Jésus na lege ti mbeni mayere titene ala fâ lo.

Matthieu 26:74

Pierre ato nda ti deba yanga ti lo, atene: “Ayeke nzoni Nzapa afâ ngbanga na li ti mbi tongana mbi tene mvene! Mbi hinga koli so oko pepe!” Gi na pekoni, koli-kondo atoto.

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Awatokua 23:13

Li ti azo so kue abongbi si aleke tënë so ahon baleosio.

Awatokua 23:14

Ala gue, abaa akota wayango-sandaga na *akangba si ala tene: “E deba yanga ti e na le ti azo kue titene e te kobe wala e nyon nga ngu pepe ngbii e fâ Paul si.

Awatokua 23:21

Me mo yeda na tënë ti ala pepe, ngbanga ti so ambeni koli, li ti ala ahon baleosio, ayeke honde ande tere ti ala ti ku lo. Ala deba yanga ti ala atene, ala yeke te kobe wala ala yeke nyon nga ngu pepe, ngbii ala fâ Paul si. Ala leke tere ti ala awe si ala yeke ku gi tënë ti yanga ti mo.”

Awatokua 23:30

Me so mbi ma a tene, ambeni zuife ayeke leke tënë ti fâ lo, mbi tokua lo na mo. Mbi hunda na azo ti bingo tënë na li ti lo ti gue na tënë ti lo na gbe ti mo.”

Awatokua 25:3

titene lo sara nzoni be na ala: lo mu Paul lo kiri na lo na Jérusalem. Andaa ala ye titene ambeni zo ahonde tere ti ala ti ku Paul ti fâ lo na lege.

Awatokua 9:23

Lango mingi na pekoni, azuife ama tere ti fâ lo.

Awatokua 9:24

Me Saul ama tënë ni. Bi na lâ, azo ni ayeke bata ayanga ti gbagba ti gbata ni ti ku lo titene ala fâ lo.

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

2 Korente 11:26

Mbi tambula na gere mingi, aye ti sioni ahara mbi lege mingi: *abale asuku amu ndo kue, asioni zo, azo ti mara ti mbi na azo ti amara nde aye ti sara sioni na mbi; na ya ti agbata, na ya ti abenyama nga na le ti kota ngu-ingo, aye ti sioni aye ti si na mbi, a-ita ti mvene aye ti sara sioni na mbi.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Josué 6:26

Na ngoi ni so, Josué adeba yanga ti lo, atene: “Deba ti KOTA GBIA aga na li ti zo so ayeke londo ti kiri ti leke gbata ti Jéricho so! Lo yeke futa lekengo gere ti gbata ni na fini ti kozo molenge ti lo; lo yeke futa nga lekengo ayanga ti gbata ni na fini ti tanga ti molenge ti lo.”

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 7:15

Tongaso, fade mbi yeke fa zo so amu aye so mbi ke na ala ti mu ni so. Fade a yeke bi lo na aye ti lo kue na ya ti wâ, ngbanga ti so lo buba lege ti mbuki ti KOTA GBIA, lo sara ye ti sioni mingi na Israel.’ ”

1 Samuel 14:24

Na lango ni so, azo ti Israel abaa pasi mingi. Andaa Saul adeba ala, atene: “Tongana mbeni zo ate kobe kozoni si lâ akui, kozoni titene mbi sara sioni na awato ti mbi, deba aga na ndö ti lo!” Nilaa, zo oko azia mbeni ye na yanga ti lo pepe.