Awatokua 23:10 - Mbeti ti Nzapa - Tënë so amu fini

¹⁰ So papa ni aga ngangu, mbeto asara kota komanda ti aturugu ni ngbanga ti ala suru ya ti Paul. Tongaso lo mu yanga na aturugu ti mu Paul na popo ti azo ni ti sigigi na lo ti gue na lo na ya ti gbagba ti aturugu.

Awatokua 23:10 ပူးပေါင်းရင်းမြစ်များ

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Abia (Psaumes) 7:2

KOTA GBIA, Nzapa ti mbi, mbi kpe na mo ti bata tere ti mbi; soo mbi, zi mbi na maboko ti azo so ayeke sara ngangu na mbi!

Mishe 3:3

Azo ni ayeke te kasa ti tere ti azo ti mbi, ala yeke zi poro ti tere ti azo ti mbi, ala yeke kungbi abio ti azo ti mbi si ala yeke fâ ya ti kasa ti azo ti mbi tongana ti so a yeke fâ ya ti kasa ti nyama ti to ni na ya ti ta, tongana kasa ti nyama na ya ti kota tawa.

Awatokua 21:37

So ala ye ti li na Paul na ya ti gbagba ni, lo tene na kota komanda ti aturugu ni, lo tene: “Lege ayeke daa titene mbi tene mbeni tënë na mo?” Kota komanda ni ahunda lo: “Mo hinga ti tene yanga ti greke?

Awatokua 22:24

Kota komanda ti aturugu ni amu yanga titene a mu Paul ali na lo na ya ti gbagba ti aturugu ni titene a pika lo si lo fa na ala nda ti tënë so azuife ayeke dekongo na li ti lo ngbanga ni so.

Awatokua 23:16

Me molenge-koli ti ita ti Paul ti wali ama tënë ti ye so ala yeke leke so si lo gue na ya ti gbagba ti aturugu, lo tene tënë ni na Paul.

Awatokua 23:27

Azuife agbu koli so si ala ye ti fâ lo. Mbi ma a tene, lo yeke zo ti Rome; mbi gue na aturugu ti mbi, e zi lo na maboko ti ala.

Awatokua 23:28

So mbi ye ti hinga tënë so ala yeke bi na li ti lo, mbi gue na lo na gbe ti azo ti *Kota Bongbi ti Fango Ngbanga ti ala.

Awatokua 23:32

Na ndade ni, ala zia aturugu ti kpengo na mbarata ti gue na lo si tanga ti aturugu ni akiri ti ala.

Awatokua 24:7

me Lisias, kota komanda ti aturugu aga si lo gboto lo na maboko ti e na ngangu.

2 Korente 11:26

Mbi tambula na gere mingi, aye ti sioni ahara mbi lege mingi: *abale asuku amu ndo kue, asioni zo, azo ti mara ti mbi na azo ti amara nde aye ti sara sioni na mbi; na ya ti agbata, na ya ti abenyama nga na le ti kota ngu-ingo, aye ti sioni aye ti si na mbi, a-ita ti mvene aye ti sara sioni na mbi.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Jacques 3:14

Me tongana ala yeke sara sioni kota be ti gbugburungo na kota ndo, ala pika kate ti ala ndali ti ndara ti ala ni pepe. Tongana ala yeke sara ye tongaso, andaa ala yeke tene mvene ti buba lege ti taa-tënë.