Awatokua 22:7 - Mbeti ti Nzapa - Tënë so amu fini

⁷ Mbi ti na sese si mbeni go atene na mbi: ‘Saul, Saul, mo yeke sara ngangu na mbi ngbanga ti nyen?’

Awatokua 22:7 ပူးပေါင်းရင်းမြစ်များ

Tongo nda ti aye 16:8

Ange ni atene na lo: “Agar, zo ti kua ti Sarai, mo londo na ndo wa? Mo yeke gue na ndo wa?” Lo kiri tënë, lo tene: “Mbi yeke kpe wa ti mbi, Sarai.”

Tongo nda ti aye 22:1

Na peko ti aye so, Nzapa atara be ti Abraham. Lo iri lo, lo tene: “Abraham!” Abraham ayeda, atene: “Mbi laa.”

Tongo nda ti aye 22:11

Me na nduzu kâ, *ange ti KOTA GBIA airi Abraham, atene: “Abraham! Abraham!” Abraham ayeda, atene: “Mbi laa!”

Tongo nda ti aye 3:9

KOTA GBIA Nzapa airi koli ni, lo hunda lo, lo tene: “Mo yeke na ndo wa?”

Sigingo 3:4

So KOTA GBIA abaa atene, Moïse angoro ti baa ye ni so, na ya ti kete keke ti ki ni kâ, Nzapa airi lo: “Moïse, Moïse!” Moïse ayeda, atene: “Mbi laa!”

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Jérémie 2:9

Ndani laa, mbi yeke gue na ala na gbe ti ngbanga; mbi yeke gue nga na *ahale ti ala na gbe ti ngbanga; so tënë ti yanga ti KOTA GBIA laa.”

Matthieu 25:45

Fade Gbia ni ayeke kiri tënë na ala: ‘Mbi tene na ala taa-tënë: lakue so ala sara ye so na asenge zo so pepe, andaa ala sara ni nga na mbi pepe.’

Matthieu 27:23

Pilate akiri ahunda ala, atene: “Sioni ti nyen laa lo sara?” Me ala kiri adekongo ngangu, atene: “A fâ lo na ndö ti keke ti kroa!”

Awatokua 22:6

“So mbi yeke na lege si mbi ga nduru na Damas, nduru na bekombite, mo ye ti baa, mbeni lumiere alondo na nduzu, aza na tere ti mbi kue.

Awatokua 22:8

Mbi hunda ndo, mbi tene: ‘Mo yeke zo wa, *Kota Gbia?’ Go ni atene: ‘Mbi Jésus ti Nazaret laa mo yeke sara ngangu na mbi so.’

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Samuel 3:10

KOTA GBIA aga aluti; lo iri ndo tongana ti kozo, lo tene: “Samuel, Samuel!” Samuel ayeda, atene: “Tene tënë, mbi zo ti kua ti mo mbi ma.”