Awatokua 22:24 - Mbeti ti Nzapa - Tënë so amu fini

²⁴ Kota komanda ti aturugu ni amu yanga titene a mu Paul ali na lo na ya ti gbagba ti aturugu ni titene a pika lo si lo fa na ala nda ti tënë so azuife ayeke dekongo na li ti lo ngbanga ni so.

Awatokua 22:24 ပူးပေါင်းရင်းမြစ်များ

Jean 19:1

Tongaso Pilate amu yanga titene a gue na Jésus si a pika lo na fimbo.

Awatokua 16:37

Me Paul atene: “E yeke azo ti Rome. Azo ti fango ngbanga awara mbeni tënë na li ti e pepe; me ala pika e na le ti azo kue si abi e na da ti kanga. Fadeso ala ye ti zi e na hondengo ni? E ke awe! Ayeke nzoni ala wani aga azi e.”

Awatokua 21:34

Me na popo ti azo ni, ambeni ayeke dekongo si ayeke tene ge nde, ambeni ayeke tene ti ala kâ nde. So wusuwusu ahon ndoni, lege titene kota komanda ti aturugu ni ahinga so mbirimbiri tënë ayeke daa pepe, lo mu yanga titene a mu Paul, ague na lo na ya ti gbagba ti aturugu.

Awatokua 21:37

So ala ye ti li na Paul na ya ti gbagba ni, lo tene na kota komanda ti aturugu ni, lo tene: “Lege ayeke daa titene mbi tene mbeni tënë na mo?” Kota komanda ni ahunda lo: “Mo hinga ti tene yanga ti greke?

Awatokua 23:10

So papa ni aga ngangu, mbeto asara kota komanda ti aturugu ni ngbanga ti ala suru ya ti Paul. Tongaso lo mu yanga na aturugu ti mu Paul na popo ti azo ni ti sigigi na lo ti gue na lo na ya ti gbagba ti aturugu.

Awatokua 23:27

Azuife agbu koli so si ala ye ti fâ lo. Mbi ma a tene, lo yeke zo ti Rome; mbi gue na aturugu ti mbi, e zi lo na maboko ti ala.

Awatokua 28:18

So azo ti Rome ama tënë ti yanga ti mbi awe, ala ye ti zi mbi, ngbanga ti so ala wara mbeni tënë ti fango ngbanga ti kuâ na li ti mbi ndali ni pepe.

Ahebro 11:35

Na lege ti mabe, ambeni wali akiri awara azo ti ala so akui na peko ti so azo ni azingo na kuâ. Ti ambeni, a sara ala sana; me ala ke titene a sigigi na ala na ya ti sana ni ndali ti so ala ye ti duti na fini so ayeke nzoni ahon ti kozoni na peko ti zingongo ti ala na kuâ.