Awatokua 22:20 - Mbeti ti Nzapa - Tënë so amu fini

²⁰ Na ndembe so a fâ Étienne, zo so atene na azo peko ti ye so lo hinga na ndö ti mo, mbi nga, mbi yeke lani daa. Mbi yeda na fango lo ni si mbi laa mbi bata bongo ti azo so afâ lo.’

Awatokua 22:20 ပူးပေါင်းရင်းမြစ်များ

Nzoni Tënë so Luc asu na mbeti 11:48

So ti fa atene, ala yeda na ye so akotara ti ala asara ni. Akotara ti ala afâ awayanga-Nzapa si ti ala, ala yeke leke adu ti kuâ ti awayanga-Nzapa pendere!

Awatokua 26:10

Ye so mbi sara na Jérusalem laa. Akota wayango-sandaga amu na mbi lege si na iri ti ala, mbi bi azo ti Christ mingi na da ti kanga. Na ndembe so azo ayeke fâ ngbanga ti kuâ na li ti ala, mbi nga, mbi yeda na tënë ni.

Awatokua 6:5

Tënë so anzere na be ti azo ni kue si ala soro Étienne so asi singo na mabe nga na Yingo-Vuru, lo na Philippe, Prokor, Nikanor, Timon, Parmenas na Nicolas, zo ti Antioshe si lo yeke bata *Ndia ti Moïse.

Awatokua 7:58

Ala gboto lo, asigigi na lo na ya ti gbata ni si ala bo lo na têne. Azo so abi tënë na li ti Étienne na le ti ngbanga so, ala zia abongo ti ala kue na tere ti mbeni maseka-koli so iri ti lo Saul.

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.