Awatokua 22:16 - Mbeti ti Nzapa - Tënë so amu fini

¹⁶ Nyen laa mo yeke ku fadeso? Londo, mo wara bateme, Nzapa azi siokpari ti mo na lege so mo di iri ti lo.’ ”

Awatokua 22:16 ပူးပေါင်းရင်းမြစ်များ

Abia (Psaumes) 119:60

Titene mbi ku kungo pepe, mbi hon daa hio ti bata atënë ti ndia ti mo.

Abia (Psaumes) 51:2

David adema tere ti lo na peko ti so wayanga-Nzapa Natan aga asuku na lo ndali ti so lo gi Batsheba, wali ti mba ti lo.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Jean 13:8

Pierre atene na lo: “Mo ye ti sukula gere ti mbi? Oko pepe!” Jésus atene na lo: “Tongana mbi sukula gere ti mo pepe, mbeni ye so mo lingbi ti ku na mbage ti mbi ayeke daa pepe.”

Awatokua 2:21

Tongaso, zo so kue ayeke iri Kota Gbia ti mu maboko na lo, fade lo yeke soo kuâ.’

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

Awatokua 9:14

Lo ga ge na Damas na ngangu so akota wayango-sandaga amu na lo ti gbu azo so kue ayeke di iri ti mo ti kanga ala.”

Awatokua 9:18

Gi hio tongaso, mbeni ye tongana *hali ti susu alondo na le ti Saul ati si lo kiri lo baa ndo. Lo londo si lo wara bateme.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 12:13

Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.