Awatokua 21:8 - Mbeti ti Nzapa - Tënë so amu fini

⁸ Na ndade ni, e kiri e hon, e tambula si e si na gbata ti Sezare. So e si kâ, e gue, e lango na da ti Philippe, zo ti fango Nzoni Tënë ti Christ. Lo yeke mbeni oko na popo ti azo mbarambara so a soro ala lani na Jérusalem.

Awatokua 21:8 ပူးပေါင်းရင်းမြစ်များ

Awatokua 10:1

Na gbata ti Sezare, mbeni koli ayeke daa, iri ti lo ayeke Corneille. Lo yeke kapita ti mbeni bongbi ti aturugu ti Rome so iri ni “Bongbi ti aturugu ti Italii.”

Awatokua 16:10

Gi na peko ti so Paul abaa ye ni so, e leke tere ti e hio ti gue na Masedoane, ngbanga ti so e tene na be ti e, e tene, Nzapa airi e ti fa Nzoni Tënë na azo ni kâ.

Awatokua 16:13

Na *lango ti wungo tere, e sigigi na ya ti gbata ni, e gue na yanga ti *bale; e baa ti e, e tene, e yeke wara mbeni ndo ti sambelango Nzapa kâ. So e duti awe, e tene tënë na awali so abongbi tere ti ala kâ.

Awatokua 16:16

Mbeni lâ, so e yeke gue na ndo ti sambelango Nzapa, e tengbi na mbeni molenge-wali so ayeke ngbaa. Lo yeke na mbeni sioni yingo na ya ti lo so ayeke sara si lo yeke fa aye so ayeke si ande na azo. Awa ti lo ayeke wara nginza mingi na lege ti aye so lo yeke fa.

Awatokua 18:22

So Paul asi na Sezare, lo gue kozoni na Jérusalem ti bara azo ti *Eglize ni. Na pekoni, lo gue na Antioshe ti sese ti Sirii.

Awatokua 20:13

E mu mangboko na Troas ti gue ti e kozoni na Asos, ndo so e yeke gue ti mu Paul daa. Biani, Paul aleke na be ti lo lani ti gue kâ na gere.

Awatokua 20:6

Na peko ti matanga ti Mapa so a sara na mama ni pepe, e mu mangboko na gbata ti Filipe si na peko ti lango oku, e wara ala na Troas; e sara yenga oko na ndo so.

Awatokua 21:16

Ambeni disiple ti Sezare azia e na lege. Ala gue na e na ndo ti mbeni zo so iri ti lo Manason titene e lango na da ti lo; lo yeke zo ti Shipre si lo ga disiple aninga awe.

Awatokua 23:23

Na pekoni, kota komanda ti aturugu ni airi akapita ti aturugu ti lo use si lo tene na ala: “Ala leke aturugu ngbangbo use ti gue na Sezare, ala na aturugu ti kpengo na mbarata balembarambara na aturugu ngbangbo use so ayeke tiri na likongo. Ala leke tere ti ala ti londo na ngbonga gumbaya ti bi so.

Awatokua 27:1

So a mu yanga titene e mu mangboko ti gue na Italii, a mu Paul na ambeni zo ti kanga, a zia ala na maboko ti mbeni kapita ti aturugu so iri ti lo Yulius, kapita ti bongbi ti aturugu so a iri ni “Bongbi ti aturugu ti kota gbia.”

Awatokua 28:11

E sara nze ota na ya ti zoa ni. Na pekoni, e mu mbeni mangboko so alondo na Aleksandrii, iri ni ayeke “Anzapa so a du ala angbo”; mangboko ni aluti lani na tere ti zoa ni ti ku ngoi ti de ahon si.

Awatokua 28:16

So e si na Rome, a mu lege na Paul ti lango na ya ti mbeni senge da nde; a zia mbeni turugu oko na tere ti lo ti bata lo.

Awatokua 6:5

Tënë so anzere na be ti azo ni kue si ala soro Étienne so asi singo na mabe nga na Yingo-Vuru, lo na Philippe, Prokor, Nikanor, Timon, Parmenas na Nicolas, zo ti Antioshe si lo yeke bata *Ndia ti Moïse.

Awatokua 9:30

So a-ita ama tënë ni, ala mu Saul ague na lo na Sezare si ala tokua lo na Tarse.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

2 Timothée 4:5

Ti mo, ayeke nzoni na ya ti ye kue, mo sara ye ahon ndoni pepe, me na legeni. Kanga be ti mo na ya ti pasi, sara kua ti fango Nzoni Tënë na azo, kua so Nzapa amu na mo ti sarango ni, mo sara ni kue.