Awatokua 21:5 - Mbeti ti Nzapa - Tënë so amu fini

⁵ Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Awatokua 21:5 ပူးပေါင်းရင်းမြစ်များ

1 Agbia 8:54

Gbia Salomon akuku kukungo na sese na dawa ti gbalaka ti *KOTA GBIA, lo yoro maboko ti lo use kue na nduzu, lo yeke tene sambela so si lo yeke voro tere ti lo na KOTA GBIA. Na ndembe so lo hunzi sambela ni awe, lo londo na nduzu.

2 Mbai 20:13

Azo ti Juda kue aluti na dawa ti KOTA GBIA, ala na awali ti ala na amolenge ti ala.

Néhémie 12:43

Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

Abia (Psaumes) 95:6

Ala li, e kuku, e kpo li ti e na sese, e voro lo; e kuku na gbe ti KOTA GBIA, lo so lo sara e.

Matthieu 14:21

Azo so kue ate kobe ni, wungo ti ala aga nduru na saki oku; a diko awali na amolenge daa pepe.

Marc 1:40

Mbeni zo ti buruma aga na tere ti Jésus, lo kuku na gbe ti lo si lo voro tere ti lo na lo, lo tene: “Tongana mo ye, mo lingbi ti sara si tere ti mbi aga nzoni.”

Nzoni Tënë so Luc asu na mbeti 22:41

Na pekoni, lo londo na tere ti ala, lo gue yongoro alingbi na ndo so tongana zo abi têne, ati daa. Lo kuku na sese, lo sambela,

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 17:10

Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife.

Awatokua 20:36

Na peko ti atënë so, Paul akuku si lo na ala kue asambela.

Awatokua 20:38

Ala wara vundu mingi ndali ti tënë so lo tene: “Ala yeke kiri ti baa le ti mbi pepe.” Na pekoni, ala zia lo na lege ngbii asi na yanga ti mangboko.

Awatokua 9:40

Pierre ahunda na azo ni kue ti sigigi; lo kuku na sese, lo sambela. Na pekoni, lo baa ndo na mbage ti kuâ ni si lo tene: “Tabita, londo!” Wali ni azi le ti lo si na bango Pierre, lo londo, lo duti na nduzu.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.