Awatokua 21:26 - Mbeti ti Nzapa - Tënë so amu fini

²⁶ Tongaso Paul amu azo osio so si lo na ala ague ti sukula sioni na tere ti ala. Lango oko na pekoni, lo gue na ya ti kota da ti Nzapa si lo fa na azo lango so sukulango sioni ni ayeke hunzi na ni, so ti tene lango ti mungo sandaga na Nzapa ndali ti ala oko oko.

Awatokua 21:26 ပူးပေါင်းရင်းမြစ်များ

Wungo ti azo 19:11

Zo so kue ayeke ndu kuâ ti mbeni zo, lo yeke ga *sioni na ya ti lango mbarambara.

Jean 11:55

Andaa matanga ti azuife so ayeke *Pake aga nduru awe. Azo mingi alondo na akete kodro, ague na Jérusalem ti *sukula sioni ti ala kozoni si ala sara matanga ni.

Awatokua 21:24

Mu ala, mo gue na ala si mo na ala *asukula asioni ti ala, mo futa aye kue ndali ti ala, na pekoni ala lingbi ti kio kua ti li ti ala. Tongaso, fade azo kue ayeke hinga atene, atënë so azo atene na iri ti mo so ayeke taa-tënë pepe, me mo nga, mo yeke bata ndia ti Moïse.

Awatokua 24:18

Na ndembe so laa, ala wara mbi na ya ti kota da ti Nzapa, na peko ti so mbi hunzi *sukulango sioni ti mbi. Andaa mbi bongbi azo na tere ti mbi pepe, azo asara wusuwusu pepe.

1 Korente 9:20

Tongana mbi yeke na popo ti azuife, mbi yeke sara ye tongana zuife titene mbi wara azuife. Tongana mbi yeke na popo ti azo so ayeke na gbe ti Ndia ti Moïse, mbi yeke sara ye tongana zo so ayeke na gbe ti Ndia ni, ataa so mbi yeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni.