Awatokua 21:24 - Mbeti ti Nzapa - Tënë so amu fini

²⁴ Mu ala, mo gue na ala si mo na ala *asukula asioni ti ala, mo futa aye kue ndali ti ala, na pekoni ala lingbi ti kio kua ti li ti ala. Tongaso, fade azo kue ayeke hinga atene, atënë so azo atene na iri ti mo so ayeke taa-tënë pepe, me mo nga, mo yeke bata ndia ti Moïse.

Awatokua 21:24 ပူးပေါင်းရင်းမြစ်များ

Mbeti ti Job 1:5

Tongana amatanga ni ahunzi awe, Job ayeke iri amolenge ti lo ni ti ga titene lo *sukula sioni ti ala. Na ndade ni, lo yeke londo na kota ndaperere si lo mu *sandaga so a yeke gbi ni kue na wâ ndali ti zo oko oko. Lo yeke tene na be ti lo, lo tene: “Mbi hinga pepe, amolenge ti mbi asara siokpari, wala ala zonga Nzapa na be ti ala.” Ye so Job ayeke sara lakue laa!

Mbeti ti Job 41:25

Na ndö ti sese, mbeni nyama ti lingbi na lo ayeke daa pepe; a sara lo titene lo sara mbeto ti ye oko pepe.

Sigingo 19:10

KOTA GBIA akiri atene na Moïse: “Gue na mbage ti azo ni, mo tene na ala titene ala *sukula sioni ti ala laso nga na kekereke; ala sukula nga abongo ti ala.

Sigingo 19:14

Moïse alondo na li ti hoto ni, lo zu ti ga na mbage ti azo ni. Lo sara si ala sukula sioni ti ala; ala sukula nga abongo ti ala.

Wungo ti azo 6:13

“So ayeke ndia ndali ti zo so aga nazir laa: na lango so ngoi ti lo ti nazir ahunzi awe, a yeke ga na lo na yanga ti da ti bongo so KOTA GBIA na azo ti lo ayeke wara tere daa.

Wungo ti azo 6:18

Na pekoni, nazir ni ayeke kio kua ti li ti lo na yanga ti da ti bongo so KOTA GBIA na azo ti lo ayeke wara tere daa. Lo yeke mu kua ti li ti lo ni si lo yeke bi ni na ya ti wâ so ayeke za na gbe ti sandaga ti beoko.

Wungo ti azo 6:5

Na ngoi so kue lo deba yanga ti lo ti ga nazir, alingbi lo kio kua ti li ti lo pepe; lo yeke zia tere ti lo nde ndali ti Nzapa, lo yeke zia kua ti li ti lo ayo yongo, ngbii ngoi so lo mu tere ti lo kue ti sara na kua ti KOTA GBIA ahunzi si.

Wungo ti azo 6:9

Tongana mbeni zo akui nduru na tere ti lo gi hio tongaso, fade li ti lo aga *sioni. Lango mbarambara na pekoni, so ti tene na lango ti *sukulango sioni ti lo, lo yeke kio kua ti li ti lo.

Jean 11:55

Andaa matanga ti azuife so ayeke *Pake aga nduru awe. Azo mingi alondo na akete kodro, ague na Jérusalem ti *sukula sioni ti ala kozoni si ala sara matanga ni.

Jean 3:25

Andaa papa alondo na popo ti adisiple ti Jean na mbeni zuife na ndö ti tënë ti *sukulango sioni.

Awatokua 18:18

Paul angba na Korente aninga. Na pekoni, lo zia a-ita, azo ti Christ si lo mu mangboko ti gue na sese ti Sirii, lo na Priscille na Akilas. Kozo titene lo londo na gbata ti Sankre ti hon, lo kio kua ti li ti lo, ngbanga ti so lo deba yanga ti lo na le ti Nzapa.

Awatokua 21:26

Tongaso Paul amu azo osio so si lo na ala ague ti sukula sioni na tere ti ala. Lango oko na pekoni, lo gue na ya ti kota da ti Nzapa si lo fa na azo lango so sukulango sioni ni ayeke hunzi na ni, so ti tene lango ti mungo sandaga na Nzapa ndali ti ala oko oko.

Awatokua 24:18

Na ndembe so laa, ala wara mbi na ya ti kota da ti Nzapa, na peko ti so mbi hunzi *sukulango sioni ti mbi. Andaa mbi bongbi azo na tere ti mbi pepe, azo asara wusuwusu pepe.

1 Korente 9:20

Tongana mbi yeke na popo ti azuife, mbi yeke sara ye tongana zuife titene mbi wara azuife. Tongana mbi yeke na popo ti azo so ayeke na gbe ti Ndia ti Moïse, mbi yeke sara ye tongana zo so ayeke na gbe ti Ndia ni, ataa so mbi yeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni.

Galasii 2:12

Kozoni, lo na ambeni zo ti amara nde ayeke te kobe. Me gi na peko ti so ambeni zo alondo na mbage ti Jacques si asi, lo gboto tere ti lo si lo yeke duti nde, lo kiri lo te kobe na ala pepe. Ndali ti so azo ayeke sara ye alingbi na tënë ti ndia ti fango *ganza, mbeto ti ala asara lo.

Awafango-ngbanga 13:5

ngbanga ti so mo yeke mu ande ngo si mo yeke du molenge-koli. Fade a yeke fâ kua ti li ti molenge ni pepe, lo yeke duti nazir, gi na ndembe so lo de na ya ti mama ti lo. Lo laa lo yeke to nda ti soo azo ti Israel na maboko ti azo ti Filistii.”