Awatokua 21:21 - Mbeti ti Nzapa - Tënë so amu fini

²¹ Ambeni zo atene na ala, atene: mo yeke fa na azuife so ayeke na popo ti ambeni mara nde titene ala zia lege ti ye so Moïse afa. Mo tene nga na ala, mo tene, ala fâ amolenge ti ala na *ganza pepe si ala zia ti sara aye ti akotara ti azuife.

Awatokua 21:21 ပူးပေါင်းရင်းမြစ်များ

Awatokua 16:3

Paul aye ti mu Timothée ti gue na lo. Tongaso lo fâ lo na *ganza, ngbanga ti so azuife so kue ayeke kâ ahinga atene, babâ ti Timothée ayeke greke.

Awatokua 21:22

Fade e yeke sara tongana nyen? Gbaa ala yeke ma ande atene, mo si ge awe.

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

Awatokua 28:17

Lango ota na pekoni, Paul airi amakonzi ti azuife ti Rome ti ga na ndo ti lo. So ala bongbi tere ti ala awe, lo tene na ala: “A-ita, ataa so mbi sara mbeni sioni ye na azo wala mbi ke nga lege ti aye ti akotara ti e pepe, a gbu mbi na Jérusalem si a zia mbi na maboko ti azo ti Rome.

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.