Awatokua 21:16 - Mbeti ti Nzapa - Tënë so amu fini

¹⁶ Ambeni disiple ti Sezare azia e na lege. Ala gue na e na ndo ti mbeni zo so iri ti lo Manason titene e lango na da ti lo; lo yeke zo ti Shipre si lo ga disiple aninga awe.

Awatokua 21:16 ပူးပေါင်းရင်းမြစ်များ

Abia (Psaumes) 92:14

Lo yeke tongana keke so a lu na ya ti gbagba ti kota da ti KOTA GBIA, lo yeke kono gi na ya ti gbagba ti Nzapa ti e.

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Awatokua 10:24

Lango oko na pekoni, lo si na Sezare. Corneille ayeke ku ala kâ; andaa lo tisa ambeni zo ti sewa ti lo na amba ti lo so lo ye ala mingi.

Awatokua 10:48

Tongaso lo mu yanga na ala ti wara bateme na iri ti Jésus Christ. Na pekoni, ala hunda na lo titene lo ngba, lo na ala alango kete si.

Awatokua 11:19

Na peko ti kuâ ti Étienne, a yeke sara ngangu na azo ti Jésus si ala kangbi kirikiri. Ambeni ague na Fenisii, ambeni na Shipre, ambeni na Antioshe; me ala yeke fa tënë gi na azuife.

Awatokua 15:39

Tënë ni aga ngangu na popo ti ala, asara si ala kangbi. Barnabas amu Marc na tere ti lo si lo mu mangboko ti gue na Shipre.

Awatokua 15:7

So tënë ni aga ngangu na popo ti ala, Pierre alondo si lo tene: “A-ita ti mbi, ala hinga so, ngbene ye na ya ti akozo lango, Nzapa asoro mbi na popo ti ala ti fa Nzoni Tënë na azo ti amara nde titene ala ma ni si ala ma na be.

Awatokua 21:8

Na ndade ni, e kiri e hon, e tambula si e si na gbata ti Sezare. So e si kâ, e gue, e lango na da ti Philippe, zo ti fango Nzoni Tënë ti Christ. Lo yeke mbeni oko na popo ti azo mbarambara so a soro ala lani na Jérusalem.

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Awatokua 8:40

Ti Philippe, lo si na gbata ti Azot. So lo yeke tambula na lege, lo yeke fa Nzoni Tënë na ya ti agbata so kue lo yeke hon daa. Lo gue ngbii lo si na gbata ti Sezare.

Rome 16:7

Ala bara na mbi Andronikus na Yunias; ala yeke azo ti sewa ti mbi so lani mbi na ala e yeke na da ti kanga; ala yeke *awatokua ti Christ so azo ahinga ala nzoni mingi, ala yeke azo so amu tere ti ala na Christ kozo ti mbi.

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.