Awatokua 21:13 - Mbeti ti Nzapa - Tënë so amu fini

¹³ Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Awatokua 21:13 ပူးပေါင်းရင်းမြစ်များ

1 Mbai 11:18

Tongaso akpengba turugu ota so ali na ya ti bâbâ ti azo ti Filistii na ngangu, ala to ngu ti du ti ngu so ayeke na yanga ti gbata ti Betlehem, ala ga na ni na David; me lo ke ti nyon ngu ni. Lo tuku ngu ni na sese tongana *sandaga ti samba ndali ti KOTA GBIA.

Ésaïe 3:15

Ala yeke nika azo ti mbi ngbanga ti nyen? Ala yeke sara ngangu na awayere ngbanga ti nyen? So tënë ti yanga ti Kota Gbia NZAPA so ayeke na ndö ti dunia kue laa!”

Jérémie 40:1

Tënë ti *KOTA GBIA asi na Jérémie na peko ti so Nebuzaradan, makonzi ti aturugu ti batango gbia azi Jérémie si lo zia lege na lo ti londo na Rama ti hon. Na ndembe so Nebuzaradan agbu lani Jérémie, andaa a kanga lo na zingiri si lo yeke na popo ti azo ti Jérusalem na ti Juda so kue a gbu ala ti gue na ala na Babilone.

Ezekiel 18:2

“Na sese ti Israel, azo ayeke tene mato so lakue: ‘Ababâ ate akpi-kpi le ti *vinye, me pembe ti amolenge laa akui.’ Ala yeke tene ni ngbanga ti nyen?

Jonas 1:6

Kapita ti mangboko ni asi na tere ti lo si atene na lo: “Ee mo! Nyen laa mo yeke sara so? Mo yeke lango? Londo! Mo dekongo, mo iri nzapa ti mo. E hinga pepe, fade lo yeke baa mawa ti e si e kui pepe.”

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 20:37

Azo ni kue ati na toto si ala gbu Paul ngangu na kate ti ala ti su ngbangba ti lo.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

1 Korente 15:31

Lakue, kuâ ayeke gi mbi gingo, taa-tënë, a-ita! Taa-tënë, mbi yeke gonda tere ti mbi ndali ti ala, ala so e na ala e ga oko na *Kota Gbia ti e Jésus Christ awe.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:26

Lo yeke na nzara mingi ti kiri ti baa ala kue, me be ti lo aduti nzoni pepe, ngbanga ti so ala ma tënë ti kobela ti lo.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

2 Timothée 1:4

Tongana mbi yeke dabe ti mbi na ngu ti le ti mo so ayuru, mbi yeke na nzara ti kiri ti baa mo si be ti mbi asi singo na ngia.

2 Timothée 4:6

Ti mbi, lango titene a mu mbi na *sandaga alingbi awe; lango titene mbi zia sese so alingbi nga awe.

2 Pierre 1:14

Mbi hinga so, mbi ga nduru ti zia sese so awe tongana ti so Kota Gbia ti e Jésus Christ afa ni na mbi.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.

1 Samuel 1:8

Koli ti lo Elkana atene na lo: “Anne, mo yeke toto si mo ke ti te kobe ngbanga ti nyen? Be ti mo ayeke na vundu ngbanga ti nyen? Na le ti mo, mbi hon amolenge-koli baleoko pepe?”

1 Samuel 15:14

Samuel ahunda ndo, atene: “Nyen laa mbi yeke ma tongana toto ti ataba na toto ti abagara so?”