Awatokua 21:11 - Mbeti ti Nzapa - Tënë so amu fini

¹¹ Lo ga ti baa e. Lo mu kamba ti ndö ti bongo ti Paul, lo kanga gere ti lo na maboko ti lo na ni si lo tene: “Ala ma tënë so Yingo-Vuru atene: fade azuife ayeke kanga wa ti kamba so tongaso na Jérusalem si ala yeke zia lo na maboko ti azo so ahinga Nzapa pepe.”

Awatokua 21:11 ပူးပေါင်းရင်းမြစ်များ

1 Agbia 22:11

Na popo ti awayanga-nzapa ni, Sidekia, molenge ti Kenaana ayeke daa; lo mu wen, lo leke na adidi si lo tene: “Tënë so KOTA GBIA atene ayeke so: ‘Na adidi so, fade mo yeke fâ azo ti Sirii ngbii mo hunzi ala kue.’ ”

Ésaïe 20:2

Ngu ota kozoni, *KOTA GBIA atene tënë na azo na lege ti Ésaïe, molenge ti Amoz, lo tene: “Gue mo zi bongo ti mua so mo kanga na ngbonda ti mo, mo zi nga poro na gere ti mo.” Ésaïe asara ye ni si lo tambula tere ti lo senge, gere ti lo senge.

Jérémie 19:1

Tënë so *KOTA GBIA atene ayeke so: “Gue na ndo ti wasarango-ta, mo vo ta ti sese. Mo mu na tere ti mo ambeni *kangba na popo ti azo ti kodro nga na ambeni kangba na popo ti awayango-sandaga.

Osée 12:10

Me ti mbi, ti to nda ni na sese ti Ezipte ngbii asi fadeso, mbi yeke KOTA GBIA, Nzapa ti mo. Fade mbi yeke kiri ti sara si mo lango na gbe ti da ti bongo tongana ti alango so lani mbi na mo, e wara tere so.

Jean 18:1

Na peko ti sambela so, Jésus na adisiple ti lo ague na mbage ti ngu ti Sedron. Mbeni ndo so a lu akeke daa ayeke kâ si Jésus na adisiple ti lo ague kâ.

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Awatokua 16:6

Paul na Silas ahon hongo na asese ti Frizii na ti Galasii, ngbanga ti so Yingo-Vuru ake na ala ti fa tënë na sese ti Azii.

Awatokua 20:23

Ye oko so mbi hinga ayeke so: na ya ti agbata oko oko, Yingo-Vuru afa na mbi kozoni atene, kanga na pasi ayeke ku mbi.

Awatokua 21:33

Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 21:4

E wara adisiple kâ si e na ala, e duti na ya ti yenga oko. Yingo-Vuru apusu ala ti tene na Paul ti gue na Jérusalem pepe.

Awatokua 22:25

Me so a kanga lo titene a pika lo, Paul atene na kapita ti aturugu so asara kua na lango ni so, atene: “Mbeni zo ti Rome so ade ti fâ ngbanga na li ti lo pepe, a mu na ala lege ti pika lo?”

Awatokua 24:27

Na peko ti ngu use, Porsius Festus amu mbata ti govoronere na peko ti Félix. So Félix aye ti ga nzoni na le ti azuife, lo zia Paul angba na da ti kanga.

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

Awatokua 28:17

Lango ota na pekoni, Paul airi amakonzi ti azuife ti Rome ti ga na ndo ti lo. So ala bongbi tere ti ala awe, lo tene na ala: “A-ita, ataa so mbi sara mbeni sioni ye na azo wala mbi ke nga lege ti aye ti akotara ti e pepe, a gbu mbi na Jérusalem si a zia mbi na maboko ti azo ti Rome.

Awatokua 28:20

Ndani laa mbi hunda ti baa ala ti tene tënë na ala, ngbanga ti so mbi ga zo ti kanga ndali ti ye so azo ti Israel azia be ti ala ti ku.”

Awatokua 28:25

Azo ni ama tere na popo ti ala na ndö ti tënë ni pepe. So ala londo ti gue, Paul atene na ala gi mbeni tënë oko, lo tene: “Tënë so ando Yingo-Vuru atene na akotara ti ala na lege ti wayanga-Nzapa Ésaïe so ayeke taa-tënë! Yingo-Vuru atene:

Awatokua 8:29

Yingo atene na Philippe: “Mo gue, mo tengbi na pusu ti mbarata so.”

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Efeze 6:20

Ataa so mbi yeke na da ti kanga, mbi yeke sara kua ti lembe ndali ti Nzoni Tënë. Ala sambela si mbi lingbi ti fa tënë ni na legeni, na mbeto pepe.

1 Timothée 4:1

Yingo-Vuru atene biani atene, na lango ti ndani, fade ambeni zo ayeke zia lege ti mabe, ala yeke ma gi tënë ti ayingo so ayeke handa azo si ala yeke ma atënë so alondo na asioni yingo.

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.

Ahebro 3:7

Ndani laa, tongana ti so Yingo-Vuru atene: “Laso, tongana ala ma go ti Nzapa,

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.